Bir adamy bir adam...

BIR ADAMY BIR ADAM...

Bir adamy bir adam
Neneň gowy, gadyrdan
Adamzadyň ýüregi:
Bir adam bir adamyň
Hemişelik geregi.

Bir adamy bir adam
Sulhy alýar tanyşsa.
Küýsär ýörer bir-birin,
Gepi-sözi alyşsa.

Biri çyksa aradan
Ol birine şeýle kyn.
Akyl alar bir adam 
Akylyndan beýlekiň.

Daş atylsa birine
“Degmäň- diýip-şirime”,
Döşün tutup dur, ine,
Bir adama bir adam.

Nebsin ýygnar, nan berer,
Damaryndan gan berer.
Gerek diýse, jan berer,
Bir adama bir adam.

Içip mähir käsesin,
Tapsyn bagtyň täzesin.
Mydam söýüp ýaşasyn,
Bir adamy bir adam!

Ybraýym ÝUSUP.

Terjime eden: Ahmet MÄMMEDOW.