Dile geldi...

DILE GELDI...

Ýazyjynyñ eseri öz ýürek heñiñe mahsus bolmasa, onuñ şol eseri ýürekden ýazmadygydyr.

* * *

Bitirip bolmaýan işe garrylaryñ-a güýji ýetenok, ýaşlaryñam akyly.

* * *

Boş ýañramanyñ, täsirli gürlemäniñ ikisiniñem alýan wagty bir bolsa-da, berýän peýdasy başga.

* * *

Haýsydyr bir şahyryñ goşgularyny joşgun bilen ýatdan aýdyp berip, şahyryñ özünden has abraýly bolýanlara-da gabat gelinýär.

* * *

Hakykata gözüñ ýetip durka, hakykatdan daş durmak - Hudaýdan daş durmakdyr.

* * *

Halys gülmäge ýer tapmasañ, il gülende bir gül, belki, ömrüñ uzalyp, ahyry özüñe-de gülmäge bir bahana tapylar.

Amanmyrat KAKABAÝEW.