Hoşlaşyk

HOŞLAŞYK

Bu günleriň geçäýşini diýsene,
18 bolupdyr ýaşymam eýýäm.
Ertir esgerlige barýaryn menem,
A, sen aglaýaň-da, “Unutma!” diýýäň.

“Unutma!” diýýäňmi?
Ah, sen akmajyk,
Undulýan zatmydyr söýgi diýlen zat.
Unudyşmak üçin söýemzok ahyr,
Unudylmak üçinem biz söýemzok.

Bakylyk bar bolsa eger dünýäde,
Şol bakylyk söýgiň özüdir dünýäm.
Şuňa durkuň bilen ynanyp durkaň,
Ah, dünýäm, sen nädip beý diýip bilýäň?!

Daglarda ak garam myhmandyr, erär,
Bir gün görseň, Günüň çogam sönendir.
Emma meniň söýgim – bu otly yşkym,
Ezizim, hemişe seniň bilendir.

2010-njy ýyl.