Kim görer hurşydy, ol mahy-sima bolmasa...

Kim görer hurşydy, ol mahy-sima bolmasa,
Kim sorar şekeri, ol lagly-şekerha bolmasa.

Gül tikendir gözlerime, ol ýüzi gülden ýyrak,
Serw okdur bagryma, ol serwi bala bolmasa.

Jennetil-mä’wany eý, zahyt, neteý men zary kim,
Isterem köýünden özge maňa mä’wa bolmasa.

Diýmegil diwana köňlüme, ki «Ryswa bolma» diýp,
Aşyk bolgaýmy idi ol telbe, ryswa bolmasa.

Ger başyňy kesseler yşkynda, eý, Babyr, seniň,
Ýardan köňlüň gerek kim, özge katga bolmasa.