Nebitdaga piwo gelse

NEBITDAGA PIWO GELSE

Sozanguýruk bolar millet,
Nebitdaga piwo gelse.
Iç, noş bolsun, keýpiñ güllet!
Nebitdaga piwo gelse.

Tut-da-basdyr degre-daşy,
Çañ-tozandyr üsti-başy.
Bas-ha-basdyr garry-ýaşy,
Nebitdaga piwo gelse.

Her aýda üýtgäp dur nyrhy
Suw goşsañam, bolmaz parhy.
Çalt aýlanar taksiñ çarhy,
Nebitdaga piwo gelse.

Bolmaz belli bir mekany,
Heniz ýok söwda dükany.
Tutluşarlar soñ ýakany,
Nebitdaga piwo gelse.

Pukaralar ýetde-gütde,
Gulkunyşyp otyr çetde,
Pul ýuwudýar petde-petde,
Nebitdaga piwo gelse.

Röwşen TAGAN.

"Tokmak" žurnaly, 1993 ý.