Seniň bilen geçen zaman...

SENIŇ BILEN GEÇEN ZAMAN...

Seniň bilen geçen zaman,
Damja-damja ornaýar,
meniň sowsuz ruhuma,
Damarymda ganym,
Ýürek tyrpyldym,
Kalbymda gaýnaýan şygyr,
Beýnimde döreýän pikir,
Gijeler iti ýatyryp,
meni ýatyrmaýan düýgy,
Seniň bilen doňup galan sekuntlar...

Dik depämde doňýar,
Gimalaýyň gary,
Gözlerimden akýar,
Sähraň Etregi,
Ýüregimde ýarylýar wulkan,
Akyp barýar zaman.
Ýöne ýene kino gaýtalanyp dur,
Geçenok...
Aman-aman...
Seniň bilen geçen zaman...

Eýran, Jelgelan.

Uçgun KÖLÇI.
(Abdylla Şerif Işan ogly).