TÖREBEG HANYM
Kepderiler dolup mawy asmana,
Aşygyñ nalasyn saldy-da gitdi.
Meñzäp mazar üstündäki dessana,
Misli zyýarata geldi-de gitdi.
Uçdy, gök gümmeziñ özgerdi keşbi,
Şuglasy burulyp gapdala düşdi,
Göwnüñe bolmasa bir ajap yşky,
Ajal gujagyna saldy-da gitdi.
Dünýäni daraldyp goýupdyr pelek,
"Aşyklañ biz ýaly bolmagy gerek!"
Köşkden özün ýere goýberdi melek,
Yşkynyñ oduna ýandy-da gitdi.
Bu ýerde kepderler ketek yzlamaz,
Çyn aşyklar ömür ýalan sözlemez,
Bu günki gözeller köşki gözlemez,
Ýaryñ didaryna gandy-da gitdi.
Genjemurat ÝESEMURATOW,
gazak şahyry.
Terjime eden: Ahmet MÄMMEDOW.
