Ylhama ýüzlenme

YLHAMA ÝÜZLENME

Nirde meniñ mawy syýam, depderçäm?
Ýazmasam takat ýok, demim dem däl meñ.
Ýaz, ýaz, ýaz diýip bir uly güýç,
Häli-şindi ýagyrnymdan urýar meñ.

Yzlaýaryn içden-daşdan ýanymdan,
Zola-zola syrly bakýan kölgäme.
Çintgäp-çintgäp synlap aýnada özüm,
Dyrjaşýaryn kimligini bilmäge.

Sabyrsyz, takatsyz yzyny üzmän,
Ýazýaryn, ýollaýan şygyr bentlerin.
Nirede-de bolsañ eý, eziz dostum!
Gözläp seni tapmakdan el çekmerin.

Kerwenaly HUDAÝNAZAROW.