20:55 Aralygy ýigrendim | |
Baýram JÜTDIÝEW
▶ ARALYGY ÝIGRENDIM Ne-hä hamyr, ne petir ~ aralygy ýigrendim, Iki dilli, on ýüzli alalygy ýigrendim, Owaldan tüýsi bozuk bir gendäni ýigremdim, Il başyna musallat şermendäni ýigrendim, Ýa Ýaradan aman ber ~ şükürim kändir meniñ. Ýagly-ýagly ýylmanak tumşuklary ýigrendim, Diñs gabyr düzetjek gyşyklary ýigrendim, Tañrysy gara nebsi ~ ýorgalary ýigrendim, Häkimleri aýnadan halwalary ýigrendim, Ýa Ýaradan aman ber ~ şükürim kändir meniñ. Rysgy haramdan rowaç ojaklary ýigrendim, Çem gelen sokjap duran bujaklary ýigrendim, Ýeriñ pestini peýlän kümsükleri ýigrendim, Hiç dereje görmedik egsikleri ýigredim, Ýa Ýaradan aman ber ~ şükürim kändir meniñ. Agzyny ýelden alan ýañralary ýigrendim, Ýeldirgäp oýnap ýören telbeleri ýigrendim, Haçan görseñ algulu dellallary ýigrendim, Özün bazara salan hammallary ýigrendim, Ýa Ýaradan aman ber ~ şükürim kändir meniñ. Sakgalny öñe tutýan imansyzy ýigrendim, Bihaýa öwrüm edýän ýeser gözi ýigrendim, Ýumşamany bilmeýän ýürekleri ýigrendim, Çaýkanyp üýtgäp giden palaklary ýigrendim, Ýa Ýaradan aman ber ~ şükürim kändir meniñ. Öz öýüne sygmaýan kürsülini ýigrendim, Ilim kemini görýän dürbülini ýigrendim, Owaz ýerne geçmese, owazymy ýigrendim, Namart ýerim bar diýip, öz-özümi ýigrendim, Ýa Ýaradan aman ber ~ şükürim kändir meniñ. | |
|
√ Garaş maňa / Goşgular - 17.02.2024 |
√ Yzany yşkyma ýamag etdim / Goşgular - 15.04.2024 |
√ Günüñ monology / Goşgular - 01.01.2024 |
√ Was-wasylara... / Goşgular - 23.01.2024 |
√ Moskwadan görýärler / Goşgular - 30.01.2024 |
√ "Gelin jan..." / Goşgular - 26.03.2024 |
√ Salam, Türkmenistan! / Goşgular - 01.01.2024 |
√ Estagfurullaly bentler / Goşgular - 14.02.2024 |
√ Bagyşla! / Goşgular - 01.01.2024 |
√ Ýagyş damjasy / Goşgular - 24.03.2024 |
Teswirleriň ählisi: 1 | ||
| ||