10:16 Aşgabat | |
AŞGABAT
Durşy bile heýjan, durşuna şatlyk, Golumda şar, zybanymy goşgulap... Baýramlarda galan çagalygym sen, Ah, Aşgabat, Aşgabat! On ýedi ýaş... müň bir tolgunma bilen Sagatlarça boýum bezäp, saç darap... Sen... sen... seýle çykan ýetginjekligim, Ah, Aşgabat, Aşgabat! Säher diýrler, sen säherden nurana, Şäher diýrler, sen şäherden başgarak. Kök uran ykbalym, öý bolan ömrüm, Ah, Aşgabat, Aşgabat! London, Pariž, Nýu-Ýork, Rim, Tokio... Alyp gitse ak uçar ak guş kybap, Nirä barsam, hoşhal öňümden çykan, Ah, Aşgabat, Aşgabat! Näçe ýagyşlarňa ýüzümi ýuwdum, Seniň näçe ak garlaryň basgylap... Otuz üç ýaş... Sende otuz üç menzil... Ah, Aşgabat, Aşgabat! Görseň, her şäher bir adam ýalydyr, Adamlaram şähre çalymdaş-la has... Sen menmi, men senmi, garyşdyrýan kä, Ah, Aşgabat, Aşgabat! | |
|
√ "Gitdim senden ilerledip ümzügi..." / Goşgular - 01.01.2024 |
√ "Ulag gidip barýar..." / Goşgular - 28.04.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Şert / Goşgular - 09.02.2024 |
√ Sumbaryñ kenarynda / Goşgular - 01.01.2024 |
√ Är garrar... / Goşgular - 30.04.2024 |
√ Owadan pyçak hakynda erteki / Goşgular - 09.04.2024 |
√ Dostluk hakda / Goşgular - 18.02.2024 |
√ Suwdan ot çykaran goşgy / Goşgular - 31.01.2024 |
√ Nädip ýaşamaly?! / Goşgular - 13.01.2024 |
Teswirleriň ählisi: 3 | |||
| |||