BIGÜNÄ
Bolmajagna göz ýetirip,
Bilip durkam ajy soňy,
Dünýäň kanunyna boýun,
Bolman söýüp ýörün seni.
Tüm garaňky gijelerde,
Gam-gussaly aýdym diňläp.
Öz bolşuma gaharlanýan,
Ýazgarýan özümi geňläp.
Sowuk şemal ters tarapdan,
Öwüsýär öýkeli ýaly.
Saýlan ýolum çarhandakly,
Göýä "Keçpelegiň" sazy.
Ýüregime erkim ýetip,
Dymyp bilýän uzak-uzak.
Omzumda dünýäniň ýüki,
Dälireýän ýazyp-pozup.
Isleýşimçe ýazyp bilmän,
Ýazanma ýetenok göwnüm.
Soňy bolmajak söýgüni,
Apalaýan diňläp böwrüm.
Çaga däl men aklym çatýar,
Saňa seretmegem günä.
Iller näme diýse diýsin,
il üçin geçemok senden,
Aglap, bozlap zordan daňa,
Çykarýan söýgim "BIGÜNÄ!"
Gözel Şamyradowa.
0
