Bir adamyñ emirden at dileýşi hakynda hekaýat

Bir adamyñ eemirden at dileýşi hakynda hekaýat

Bir kes şeýle diýdi emire garap:
"Bir at beräýmeseñ, meñ halym harap.

Özüñiz bilýäñiz bu uzak ýoly,
Gerek ol öýüme aşarym ýaly".

Emir diýdi: "Şol bolsa bar geregiñ,
Çal aty al, goý, derdiñe ýarasyn!"

"Haýyşym: şony bir berme, hökümdar,
"Är gorkan ýerinden" diýen nakyl bar.

Ömrüñ uzak bolsun, mertebäñ belent,
Götin ýöreýär ol, gylygna belet".

"Ondan gözüñ gorkan bolarly, meger,
Beýle bolsa, ters öwür-de sürüber.

Häkimleñ içinde (dogrymy diýsem)
Şol ata çalymdaş azmy nä eýsem?

Boluşlarna görä ýöredip ýörüs,
Biz-ä derdimize ýaradyp ýörüs..."