02:10 Çagalar dünýäsi | |
ÇAGALAR DÜNÝÄSI
Çagalar dünýäsi ajaýyp bir ýurt: Altyn derwezeli, derwezebanly. Hiç haçam, hiç kime sütem etmeýän, Sada hem akylly patşaly-hanly. Ol ýerdäki çeşmelerdir derýalar Süýt ýa baldan dolup, akyp barýalar. Gaýalar bar, şokolatdan durşuna! Dolangy dur ýalpyldawuk gurşuna, Arkaýyn iýiber, hemmä ýeterlik. Doýañsoñ, diñarkan düşüp ýatarlyk, Gül-çemenli meýdan töwerek-daşyñ. Şeýle bir-şeýle ýakymly ýeller Ejeñ eli bolup sypaýar başyñ. Baglarda her dürli oýnawaç bitýär, Göwnüñe ýaranyn oýnaber ýol-da! Gorkunç maşynlar däl, bedew goşulan Owadan paýtunlar gatnaýar ýolda. Hemmeler mähriban biri-birine, Elmydam ýañlanýar şatlykdyr-gülki. "Aglaýanlaryñ-da bolmagy mümkin!" Diýýärler, özüm-ä gabat gelemok, Gözýaş, gaýgy-gussa ýokduram belki! Eger-de bu ýurda girmekçi bolsañ, Ýüregiñ görkezip girmeli hökman. Çaga ýüreklimi, ýa-da dälmi sen, Örän dykgat bilen barlaýar sakman. Wezipe, tanyşlyk, pul-para bilen Bu ýurda girmeklik mümkin däl, mümkin. Baş talap: ýüregiñ tämiz bolmaly! Kimse üçin añsat, Kimse üçin kyn... Hemra ŞIROW. | |
|
√ Bagyşla! / Goşgular - 01.01.2024 |
√ Nokat / Goşgular - 28.01.2024 |
√ Siziñki / Goşgular - 30.01.2024 |
√ Gije hem gündiz / Goşgular - 07.02.2024 |
√ Nar / Goşgular - 22.04.2024 |
√ Atsyz goşgy / Goşgular - 31.01.2024 |
√ Salam, Türkmenistan! / Goşgular - 01.01.2024 |
√ Hasap / Goşgular - 18.02.2024 |
√ «Отвергнув гордое сомненье…» / Goşgular - 29.02.2024 |
√ Ömrümiñ manysy bolmaly zenan / Goşgular - 05.02.2024 |
Teswirleriň ählisi: 0 | |