09:21 Duralgada | |
DURALGADA
Günüň şöhlesini boýnuma orap, Säher bilen işe barýan keýpiçag. Duralga. Adamlar göwnüme ýarap, Mähir, söýgi... gussalarma goýdy çäk. Deň uçdum bagdaky serçeler bilen, Ýüregimem guş dilinde saýrady. Tanyş bolmasam-da ençe ýer bilen, Bu barlyk gözüme juda aýrydy. Joşsam gerek şygyr, aýdym-heňe çen, Sebäp kän buluda boýuň deňläre. Ýaşap ýörseň bagtyň bilen deňeçer, Ýeri, şondan gaýry islärsiň näme ?! Gözelligi sorup howa ýerine, Duýdum gyşyň deminde-de ýaz baryn. Galamy batyryp Gün şöhlesine, Asmanyň ýaňagna goşgy ýazýaryn. Ýazmak gerek ylham gursaga dolsa, Joşgunyň senden öň hiç kimse görmez. Duralga hemem men. Hyýallam bolsa Meni nirelerde uçuryp ýörler. Goçmyrat ORAZBERDIÝEW. | |
|
√ «Превратила всё в шутку сначала…» / Goşgular - 29.02.2024 |
√ Garyp köñlümiñ soltany / Goşgular - 21.02.2024 |
√ Sowuk söz / Goşgular - 31.01.2024 |
√ Ýagyş damjasy / Goşgular - 24.03.2024 |
√ Salam, Türkmenistan! / Goşgular - 01.01.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Atsyz goşgy / Goşgular - 31.01.2024 |
√ Ak buýnuzly ak maral / Goşgular - 01.01.2024 |
√ Estagfurullaly bentler / Goşgular - 14.02.2024 |
√ Siziñki / Goşgular - 30.01.2024 |
Teswirleriň ählisi: 11 | |||||||||
| |||||||||