Durmuş atly derýada

DURMUŞ ATLY DERÝADA

Ýüzüp ýörkäň durmuş atly derýada
Kenarynyň bardygyny unutsaň,
Per bermeseň, gussa, ahy-perýada,
Şatlyk bolup ýagyp dursa bulutlar.

Gulagňy gandyryp elwan gülleriň
Ýuwaşja hiňlenýän aýdymlaryndan,
Depäňde göterip asman gümmezin,
Ýitseň sähralaryň ýaşyl ýolunda.

Gökde ganat ýaýsa guşlaň aýdymy,
Ömre bezeg berse ygşyldan baglar,
Kalbyňy dörseler pyşyrdan baglar,
Bolmasa hiç ýaşaýyşdan doýdumyň.

Güýzler garrar.
Baglaň ömri soňlanmaz –
Dökülýän ýapraklar däl ölme sebäp.
Ömür bolup ýazlar ýene doglanda,
Tebigata dirilik suw sepeläp,
Ýok, güller däl, sen gül bolup açylsaň,
Dideleriň nury galsa her ýazda.
Ak gyşlaryň ruhy bolup saçylsaň -
Gark bolmasaň durmuş atly derýada…

Dõwlet ANNAMYRADOW.