11:16 Düýş | |
DÜÝŞ
Kim aglaýa, kim gülýä, Kimler ekýär "bolsady". Derdi ýetik bu dünýä, Düýşe meñzeş bolsady. Gamhorlar şada ýeter, Işler bolar oñuna. Mätäç myrada ýeter, Ogulsyzlar - ogula. Mañlaýy gasyn-gasyn, Çal çokully eneler, Ýyllañ gözüne basyp, Gelinligne dolanar. Ýer ýüzüne ýaýarlar, Atparazlar adyny. Badyhowa baýarlar, Alar üç-dört hatyny. Söýlenmedik söýlener, Öýlenmedik öýlener. Geçer durar düýş bolup, Dañdanlar hem öýleler. Kimse aglar, kim güler, Kimler ýöne güýmener. Gije gören düýşünden Adam irden eýmener. Gudratymy güýçleriñ, Hupbatmy ýa hemaýat? Syrly-syrly düýşleriñ Düýbi nedir, jemagat? Düýşler seniñ düýnüñmi, Şu günüñmi, ertiriñ? Maksadyñmy, müýnüñmi, Takdyryñmy, tertibiñ? Gelmekmi, ýa gitmekmi, Ýa melekler meýdany? Hakdan ýeten hikmetim, Şeýtanymy, şeýtany? Düýş ähliniñ binýady, Peri bile jynmy ýa? Düýşler ýaly, dünýäde - Oýun bile çynmy ýa? Gylyçmyrat KAKABAÝEW. | |
|
√ Düýş hem ýagyş / Goşgular - 09.01.2024 |
√ Salam, Türkmenistan! / Goşgular - 01.01.2024 |
√ Rubagylar / Goşgular - 13.01.2024 |
√ "Diýdiñ: Gelin bolup görkezeýinmi?.." / Goşgular - 14.02.2024 |
√ Lenç edilen nakyl / Goşgular - 05.02.2024 |
√ Ýolbars we Möjek / basnýa / Goşgular - 05.01.2024 |
√ Жизнь / Goşgular - 29.02.2024 |
√ Günüñ monology / Goşgular - 01.01.2024 |
√ Dünýe... / Goşgular - 11.02.2024 |
√ Siziñki / Goşgular - 30.01.2024 |
Teswirleriň ählisi: 0 | |