Erjellik

ERJELLIK

Ýene-de otuz ýyl ýaşajak bolsam,
Goşgy ýazaryn.
Ýigrimi ýyl ömür galanyn bilsem,
Goşgy ýazaryn.

Diýseler: - Ýaşaýaň ýene-de on ýaş!
Goşgy ýazaryn.
Näçe ýyl?! Parhy ýok alty ýa-da bäş,
Goşgy ýazaryn.

Ömrüň soňky gary üstüme ýagsa,
Goşgy ýazaryn.
Soňky hepde gelip, soňky gün dogsa,
Goşgy ýazaryn.

Soňky sagat gelip, direlse munda,
Iň soňky goşgymy
ýazaryn şonda.

Şamsur RAHMAN.
bengal şahyry.

Rusçadan terjime eden Tirkeş SADYKOW.