"Bagşylara"

Aýdym diňlemäñ žanry diňleýjiniň ýaşyna görä öýdýän. Biz okuwçy wagtymyz. Nury Meredowy, Hajy Ýazmämmedowy, Kakajan Söýünhanowy, Merdan Dönmezowy, Laçyn Mämmedowany, Şirin Pälwanоwany we başgalaryny diňlärdik. Halk aýdymy halamazdym. A indi 70-80-nji ýyllaryň estradasyny, köne aýdymlary, halk aýdymlary diňleýän. Häzirki estrada maňa ýaramaýar. Rep dagy taksidekäm açsalaram şopura haýyş edip başga geçirtýän. Täze reper "Aýdaý özüň" aýdymyny däl suratyny görsemem gyzamykdan galan keselim gozgap ugraýar. Ýaşlara haýran galýan, beýle-de bir ownamak bolarmy. Diňleýän aýdymlaryny dagy. Bizem ýaş bolup gördük, ýöne näme-de bolsa biziň diňleýänlerimiz aýdymdy.

Hemmesem beýle däl-le, gowulary, gowy eser döredýänlerem bar.
Indi her öňýeten aýdymçy, repçi, popçy boljak bolup başagaý. Adyny berip durmaýyn, emma örän köp manysyz aýdymlary döredip, onam paýlaýanlar gaty kän. Diňleýäň welin "bäh, hiç diňlänoklarmyka çykarýan aýdymlaryny bular?" diýeniňi duýman galýarsyň.

Gyzlardanam (özüçe) repçi bolanlar bar, hatda biri özüni masgaralaýjy, kötekleýji sözleri diýip dur, ýa aýdýan zatlaryna düşünenok ýa-da örän kelleden ezýet çekýän biri. Sözleri manyly bolsa bir aýdymyň, başga zatlary (sazy, bass-y we ş.m) kän oňat bolmasa-da bolar, emma hem sazy hem-de sözleri biderek bolsa näme etjek? "Aýdaýözüň" diýilýän ýigidiň aslynda başdaky aýdymlaryny diňleseň nähili häsiýetiniň, şahsyýetiniň bardygyny bilýärsiň, eje-bajy hemmesini ulanman goýanok. Elbetde bir adam ýalňyşyna düşünip, düzeldip biler, şeýle-de özi hem "ýalňyşypdyryn" diýip boýun aldy, emma şol ýalňyşlaryň üsti bilen ösdi, şonuň üsti bilen çörek iýdi, şonuň üsti bilen tanymal boldy. Meselem Harasada düzen diss repini diňleseňiz, az-owlagam bolsa oňa sylagyňyz sarsar. Öňküleriň (Iska Muslim, Abdy Daýy we ş.m) diss aýdymlary hem manyly we diňlenilip boljak zatlardy, emma indikileriň diss-leri däl, tutuş alyp barýan işi ýalňyş.

Iň esasam ýaşlara täsiri hiç görmedik bolunjak zat däl, heniz özüni kämilleşdirip bilmedik agzysary kişileriň saza bolgusyz söz ýemläp çykaran "aýdymyny" başgalary diňläp, sözlerini sitata öwrüp paýlaşýarlar, nähili gynandyryjy.

Hemmesinden beteri-de Selbi Tuwakgylyjowanyñ özüne meñzäp duran utanç-haýasyz aýdymlary. Başga aýdymçysumaklaram şondan pes galmajak bolýar. Onuñ aýdymlarynyñ "Näme oýun edýändirin öýdýäñmi?" ýa-da "Näälow, Aladin" diýen ýaly samsyk sözleri adamlaryñ arasynda ýoñ bolupdyr. Özi begenýändirem şuña. Heý oña haý-küş edip biljek ýokmuka?

Хак соз