11:40 "Bagşylara" | |
|
“BAGŞYLARA”
Goşgular
 Ýagyşdan soň köpelşi deý köpelýär, Ululy-kiçili, dürli kömelek. Was, Garagum, Pendi, Ahal... düzünde, Ne hezillik, heýjan-elek, jan-elek. “Bagşam” az däl kömelegiň sanynda, Oglan-u-gyz, garry-juwan ýanyňda. “Bagşy bolmak hemmeleriň aňynda”, Daşymdan däl, gaýtaladym içimde. Hany bagşy, dil bitiren dutara? Ýa gyjaga, ýa sitara, gitara... Köpüsiniň ýüzi şo-ol Günbatara, Bagşysy az, walla, munuň içinde. Her gün doýup içen ýaly çefirden, Düşmeýärler ekrandan ýa efirden. Horluk eken aşa düşseň zefirden, Her hilisi bardyr munuň içinde. Atlysy bar, atsyzy bar bir giden, Aýdymlaryň işi görülýär neden. Nämüçin diýemzok: “Ä-hä-heý, ýegen, Gitsene, işiň ýok munuň içinde”. 01.01.2023. • IKILEMELER Görmegiň kemi ýok, ýöne akylyň bilen deň gelmeýäe eken şekiliň. 02.01.2023.(03.31m.) *** Kim geçmişde basybaljy atasyn, Taryplasa, geçilmejek hatasyň. 02.01.2023. (03.36m.) *** Danaň müň ýyldan soň sözi ýaşaýar, Diýmek, ölmändir ol, özi ýaşaýar. 02.01.2023 (03.41 m.) *** Göter-göter edip, göterdi biri, Gerekmi ýasamak tilkiden şiri? 02.01.2023. (03.45 m.) *** Ata zadyn saklap bilmese her kim, Ýaşan ömri bolar, meger, it kimin. 02.01.2023. (03.57 m.) | |
|
| |
| √ Dil pyrak odunda ýandy, galdy jan hijran era... / Goşgular - 12.01.2025 | |
| √ Bu köňlüm zowrakyn aldy bu gün bir gunça leb gülruh... / Goşgular - 06.01.2025 | |
| √ Men bir ýola... / Goşgular - 12.01.2025 | |
| √ Lolular / Goşgular - 08.01.2025 | |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| √ Şaglawuk / Goşgular - 02.01.2025 | |
| √ Eýledi ýar meni dert ile awara, medet... / Goşgular - 12.01.2025 | |
| √ Dünýä maňa aşyk bolsun! / Goşgular - 07.01.2025 | |
| √ Kowusnama: Bedew edinmek hakynda / Goşgular - 12.01.2025 | |
| √ Dostum, arz et jemalyň, janymyz bolsun fereh... / Goşgular - 04.01.2025 | |
| Teswirleriň ählisi: 2 | |||
| |||
0
