19:27 Garrylar gerek | |
GARRYLAR GEREK
"Ten ýapmana köýnek islär ýalaňaç, Köýnekli diýr: "Wah, üstünden don bolsa!" Baş saglyk diýp Hakdan dilär garny aç, Bäşin tapan arzuw eder: "On bolsa!" Magtymguly Pyragy. Serdaryň dokuzy düzüw bolanda, Onunjy, ellinji, ýüzünji gerek. Oň göwnün tapmana ýaranjaňlara Ýüz alada bilen ýüz ünji gerek. Ýurdy alahekge soraýan bolsa, Bile gagyldaşýan gargalar gerek. Ömürleri uzyn, dilleri gysga, Baş atyp oturan garrylar gerek. Ýurduň depesinde şuwlaýan gamçy, Halkyň kebzesinde dürreler gerek. Ylymly-bilimli nesil gerek däl, Ertir eşek çykjak kürreler gerek. Nadan gerek ykbalyna biperwaý, Dünýäden bihabar gözli kör gerek. Alty milliard dollar sogrulyp ýele, Düňle çölüň jümmüşinde köl gerek. Gije-gündüz mes hojaýyny wasp edýän Suwjukdan bihaýa gazallar gerek. Baý ýurtlardan jalaý myhman gelende Öňünde tans edýän gözeller gerek. Mertebe gerek däl galam tutana, At, dereje, sylag, baýraklar gerek. Samankepbeleriň, gara öýleriň, Depesinde ýaşyl baýdaklar gerek. Serdaryň dokuzy düzüw bolanda, Onunjy, ýüzünji, müňünji gerek. Ýurdumy beladan halas etmäne Müň alada bilen müň ünji gerek. Şiraly NURMYRADOW | |
|
√ «Отвергнув гордое сомненье…» / Goşgular - 29.02.2024 |
√ Mürze ýigit / Goşgular - 12.03.2024 |
√ "Gelin jan..." / Goşgular - 26.03.2024 |
√ "Garrap ýörünmi ýa men..." / Goşgular - 01.01.2024 |
√ Şert / Goşgular - 09.02.2024 |
√ Gowy görülen goşgy / Goşgular - 05.01.2024 |
√ Wiswisi lakamly obadaşymyň ömür beýany / Goşgular - 25.03.2024 |
√ Düýşgowuran / Goşgular - 08.04.2024 |
√ Estagfurullaly bentler / Goşgular - 14.02.2024 |
√ Tilki bilen üzüm / basnýa / Goşgular - 10.01.2024 |
Teswirleriň ählisi: 0 | |