15:18 Gitmeli | |
GITMELI
Atyň ýeke çapmagyn, Köplükden daş gaçmagyn. Gereklese gatanjyň Gatmalydyr, gatmaly. Dogryňa ýa hataňa, Nyrh keserler bahaňa. Edim-goýmuň ataňa Ýakmalydyr, ýakmaly. Abraýdan gaçar ýalta, Goşul, garyşgyn halka. Oňlansaň, özüň orta Atmalydyr, atmaly. Dostuň, duşmanyň tana, Agnap ýörme her ýana. Ýaryşsaň pellehana Ýetmelidir, ýetmeli. Söýgä gujak gerlen soň, Ornuň berme ýerlän soň. Bir zat wada berlen soň Bitmelidir, bitmeli. Gowga duşsa är başyň, Ag:yň görmesin daşyň. Ajysynam durmuşyň Datmalydyr, datmaly. Bilýän bolsaň-da, ir-giç, Köpbilmişlik etme hiç. Gaýtam özgäni bilgiç Öýtmelidir, öýtmeli. Anyk bolmasa ilki, Aýtmagyn, bolma gülki. Aýtjagyň bilip, belki, Aýtmalydyr aýtmaly. Ölçe ädimiň, äden, Halalla nanyň, gäden. Geldimyrat, dünýäden Gitmelidir, gitmeli. 2004 ý. | |
|
√ "At bilen kowalap gördüler ony..." / Goşgular - 01.01.2024 |
√ Kyrk ýaşa ýeteniñde / Goşgular - 03.02.2024 |
√ Siziñki / Goşgular - 30.01.2024 |
√ Hasap / Goşgular - 18.02.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Nokat / Goşgular - 28.01.2024 |
√ Dünýe... / Goşgular - 11.02.2024 |
√ "Ulag gidip barýar..." / Goşgular - 28.04.2024 |
√ «Превратила всё в шутку сначала…» / Goşgular - 29.02.2024 |
√ Ömrümiñ manysy bolmaly zenan / Goşgular - 05.02.2024 |
Teswirleriň ählisi: 0 | |