17:41 Goşgular | |
***
Ýyllar geçer gider sen düşünersiň. Solanda ýürege meňzeş ýapraklar, Güýzde baglar bilen deň düşünersiň. Kalbyň geçen günler sary imriger, Ýaşlyk ýagtylykdyr, batar iňrige, Örter töweregi tüm, düşünersiň. Gözýaşyňy goşup ýazyň ýagşyna, Söýgüli sözleriň bolar “bagyşla!” Ezizim, hiç düşünmäniň ýagşydyr Soň düşünenden. . *** Çyrag yşgy kem bolmasyn. Nerler ýoluň külpetinde Yhlas-keşgi kem bolmasyn. Ak öýler dolup bagtdan, Ýar ýanynda är ýigitleň Höwes-yşky kem bolmasyn. Özün bilbil saýan zaglar, Ykrar bolmaz gurup dawa, Miwe beren sergin baglaň Anbar-müşgi kem bolmasyn. . *** Otur, dostum, göni gelen jereniň Aýby ýokmuş goşa gözünden başga. “Unudan gyz hakda goşgy ýaz” diýýäň, Birçak bendi eýlän otly bakyşda. Yşkyň ataşyna ýanmandyr kimler, Kimler yşk dagyna başyn egmändir?! A sen umytda bol, illeri diňle: “Durmuş seniň ýaşanyňa degýändir”¹ Günler şatlygyňy ýuwutsa ýalmap, Kalba uçar kibi çökse-de gussa. Söýgüde özgeden maslahat alma, Özgäň söýgüsini edinme nusga. Aman bolsaň, gezip ýörseň sag-gurgun, Ynan, bagt düşer seniň paýyňa. Gaýçyň şyrkyldysyn eşdersiň bir gün, Bir gün törüňizde çelpek ýaýylar. Entek düýşünde-de söýülmedik gyz Seniň gujagyňda towlanar birden. Göwnüňe dünýäde bagtly ýalysyň Bir sen. *** Törüňe düşdümi talaň, Dünýäm, saňa näme boldy?! Kerwenden üzülip galan Düýäm, saňa näme boldy?! Dabany derde daglanan, Depesi gökde garlanan, Harlar içinde harlanan Haýam, saňa näme boldy?! Bagryny owmaç dek owan, Jigeri çeşminden çogan, Saňa näme boldy dogan, Uýam, saňa näme boldy?! Maňlaýda der burçak-burçak, Aýalary gan-gabarçak, Saňa näme boldy gerçek, Aýal, saňa näme boldy?! Duýgulary alasarmyk, Gamly başy ala garly, Saňa näme boldy dagym, – Gaýam, saňa näme boldy?! *** Men ýatyp galaryn sessiz-selemsiz, Uç-gyraksyz seleň sähraň içinde. Görer meni Hydyr ata ýaly bir Nurana ýaşuly ýoldan geçende. Ýazyp ýetişmedik sonky beýdimiň Ýadap gelýän ýeller ýazar sazyny. Diýer goja “Boljak eken beýdibem, Heý-de gara ýere dözer ýalymy” *** Ýatyr meniň arzuwymda müň setir, Ýatyr meniň gursagymda bir derdim. Müň setirmi müň bir ötükden ötüp, Ýeke derdim üçin gurban ederdim. Ýatyr meniň hyýalymda müň owaz, Berç bolupdyr gursagymda bir nagma. Sargaryp galynçam, ýüregim sowap, Janymy jebir içre biýrin ýaýdanman. Ýatyr meniň gursagymda müň sözlem, Ýatyr meniň gursagymda müň sowal. Men ýiter giderin bir jogap gözläp, Dünýäň bar şatlygny edip owarram. Ýatyr meniň gursagymda müň ýyldyz, Ýatyr meniň köňülimde bir älem. Janserek bolsam-da gijedir gündiz, Ýüregim rahatlyk tapanok hälem. ————— ¹. Gurbannazar Ezizowdan Gurbandurdy ORAZOW. | |
|
√ "At bilen kowalap gördüler ony..." / Goşgular - 01.01.2024 |
√ Perişan kalbyñ umydy / Goşgular - 01.01.2024 |
√ "Bagşylara" / Goşgular - 07.02.2024 |
√ Käbir aýallara melek diýýäñiz / Goşgular - 04.02.2024 |
√ Garaş maňa / Goşgular - 17.02.2024 |
√ Nokat / Goşgular - 28.01.2024 |
√ Är garrar... / Goşgular - 30.04.2024 |
√ «Отвергнув гордое сомненье…» / Goşgular - 29.02.2024 |
√ Hasap / Goşgular - 18.02.2024 |
√ Soltan / Goşgular - 27.03.2024 |
Teswirleriň ählisi: 3 | |
| |