Güýz

GÜÝZ

Ýene güýz dolandy dogduk diýara,
Tebigatam gelen ýaly görküne.
Boýady baglary, otdur çöpleri
Sary goýazylyk siñen görküne.

Güýzüñ pelsepeden paýly şemaly
Gozganynda gursakdaky oýlarym,
Ýatlamalar kitabyny agtaryp,
Ýada düşýär unudan deñ-duşlarym.

Düýnde galan çagalygym balkyldap,
Gol bulaýan ýaly bagdan añyrda.
Meñ ýanymda bolsa tereñ ýaşlygym,
Ýüzläp pikir at salyp ýör añymda.

Bu güýz araçäk deý çagalygyma,
Howa çigräp alyp barýar ýaşlyga.
Arzuwlaýan ähli günlem şat bolsun,
Bu şat güýzem bolup galsyn ýatlama.

Jemal ATAKOWA.