22:38 Rubagylar | |
RUBAGYLAR
Iki sany erkek adam – är-aýal, Ýatsaň-tursaň oýa gelmejek ahwal. Ahun aga, bu nämeden alamat? Eýsem dälmidir bu dowzahdan beýan?! O1.11.2023. *** Ol birine “ştangaçy” diýdiler, Sellesine “ogry hajy” diýdiler. Düzüwini tapmak kyn eken başda , Akpamyga “zaýa bajy” diýdiler. 02.11.2023. *** Walla, ştangaçy gyza maşalla, Abraýyňa abrý goşar enşalla. Sportda däl, işimizde birtopar “Ştangaçy” özlerinden hoşal-la... 02.1.2023. *** Bir sözi galmandyr meniň ýadymda, Ýogsam gaty kän baýrak bar adynda. Gol goýsa-da petde-petde gazala, Öz sözi ýokmuşyn ýazan zadynda. 02.11.2023. Gardaş gitdi gardaşyndan aýrylyp, Ata galdy, ene galdy maýrylyp. Adam ataň, How enäniň ahwaly Gaýtalanýar, soňy ajy aýralyk. 06.11.2023. *** Ogrynyň ogrusy ogry köpeldi, Üstüni ýülmeýän “dogry” köpeldi. Ozallar zat ogurlanýar öýtsek, Indi ogurlanýan şygyr köpeldi. 06.11.2023. • IKILEME Şerbet bolar, içsem eger eliňden zähri şerap, Ajal gelse, direlerin gözüňe birje garap. 20.11.2023. * * * Bir öýde, parhy ýok, bolsun näçe jan, Istese bir adam çaýkap biler gan... 07.12.2023. | |
|
√ Göreş / Goşgular - 11.02.2024 |
√ Salam, Türkmenistan! / Goşgular - 01.01.2024 |
√ Sowuk söz / Goşgular - 31.01.2024 |
√ "Garrap ýörünmi ýa men..." / Goşgular - 01.01.2024 |
√ Ak buýnuzly ak maral / Goşgular - 01.01.2024 |
√ "At bilen kowalap gördüler ony..." / Goşgular - 01.01.2024 |
√ Yzany yşkyma ýamag etdim / Goşgular - 15.04.2024 |
√ Düýşgowuran / Goşgular - 08.04.2024 |
√ Atsyz goşgy / Goşgular - 31.01.2024 |
√ Çarwa arabyñ söýgüsi / Goşgular - 10.02.2024 |
Teswirleriň ählisi: 0 | |