Güýzüme

GÜÝZÜME

Men obanyñ güýzlerini söýýärin,
Şygyrdadyp ýaprak düşän topraga.
Gujak açdym otuzynjy güýzüme,
Çigrekli howany sorup kükrege.

Sary güýzde bilimlere gol beren,
Çagalygmh miras goýup barýaryn.
Agraslyga beslenipdir töwerek,
Altyn apbasy deý gözel çar ýanym.

Bu ýollarda bagtym bilen sataşyp,
Ýeke däl men, şükür edýän ykbala.
Bir menzile ýeterin men ýol aşyp,
Alaryn dynç, ýene düşerin ýola.

Güýz şemaly bu sözlerme buýsanyp,
Meñ ýoluma ýapraklary düşeýär.
Men owadan bagtym bilen ikiçäk,
Bärde diñe duýgularmyz ýaşaýar.

Gülbahar GURBANOWA.