Aýal

AÝAL

Durmuş däl hakykat,
Hakykat hyýal.
Onda ähli zadyñ öz ölçegi bar.
Dünýäni ýüregne sygdyrýan Aýal,
Oñ üçin bir ykbal, bir täleý hem dar.

Sygýar ol ýüregne gyzyñ, ogulyñ,
Çekýär tutuş syrgynynyñ derdini.
Ýalñyşýar ol Aýal bolup dogulyp,
Bilmeýşi dek şaha urup şertini.

Bir gapyda gözýaş dökdi.
Jowrandy.
Ýanyp duran oda öwrüldi! Ne hal!
Täzeden döreýär, dünýä açylýar,
Ýene-de ýaşaýar, ýylgyrýar Aýal!

Ýalñyşýar, aldanýar,
ýene ynanýar.
Näçe gezek ynamyna boguldy.
Emma ol hiç zeýrenmeýär ykbaldan
Sebäbi ol Aýal bolup doguldy.

Gülbahar GURBANOWA.