Hakdan-da geçer

HAKDAN-DA GEÇER

Batynymda diýdi maña bir eziz,
Muhabbetden geçen Hakdan-da geçer.
Bermäñ nesibini, ryskyn kesiñ siz,
Muhabbetden geçen Hakdan-da geçer.

Muhabbet adamu Haky Ýaradar,
Muhabbet etmeýen jan murdarydyr.
Dünýä-u ahyret ýüzi garadyr,
Muhabbetden geçen Hakdan-da geçer.

Gerçek olam bir nepese ynana,
Janymyz bereris gurban janana,
Lagnat olsun ykraryndan dönene,
Muhabbetden geçen Hakdan-da geçer.

Dört gapy, kyrk mekan, ýetmiş iki zat,
Muhabbet diýdigi tejelliýi - zat.
Mömine, müslime haýyr, nesihat,
Muhabbetden geçen Hakdan-da geçer.

Muhabbet diýdigiñ haslar hasydyr,
Muhabbet olmaýan Hakyñ näsidir,
Hataýynyñ dosty Hak nepesidir,
Muhabbetden geçen Hakdan-da geçer.

▶ EREÝIP GIDER

Garşyky garlyja dagy gördüñmi,
Ýoldurmyş eýýamyn, ereýip gider.
Sen akan suwlardan ybrat aldyñmy,
Ýüzüni ýerlere süýreýip gider.

Gadyr sen, eý uly şahym, gadyr sen,
Her niräýe baksañ, onda häzir sen.
Üstümizde dört köşeli çadyr sen,
Jümlämizi birden büreýip gider.

Hatar-hatar gelen ol uly guşlar,
Syrly olur, ýakmaz ony güneşler.
Owwal-ezel miwe beren agaçlar
Olar-da galmaýyp, çüýreýip gider.

Biziñ çuññur derýalarmyz boýlanmaz,
Müñ bir kelam diýsem, biri añlanmaz,
Kişi ygrarsyz ýollary baglanmaz,
Ýollary goýnunda ýöreýip gider.

Şa Hataýy söýlär sözi özünden,
Derwüşleriñ sygynypdyr gözünden,
Olur-olmaz müñkürleriñ sözünden,
Esriýip, köñlümiz paraýyp gider.