13:32

Lal dili

LAL DILI

Otyr şindem şol daş tamlar baýyrda,
tüsseledip, gerişlerin, ýallaryn.
Bardy birçak, biz çagakak, bu ýerde
internady güň çagalaň – lallaryň.

Dürlidi öň olaň dessuram, dilem.
Birleşdirdi uruş olaň dillerin.
Gepleşýärdi olar bir-biri bilen
atanaklap, aýlap-öwrüp ellerin.

Ümleşerdi olar bizi görende,
Barmaklarny ýazyp-büküp çalasyn.
Lal oglanlaň saýradyşyn göreňde,
gelerdi lal bolup, surnaý çalasyň.

Ýaş bolsagam lal dilini bilerden,
Şol çagalar ýaly içip-iýmegi,
arzuw edip, öwrenipdik olardan
lal dilinde: “Nanyň ýokmy?” diýmegi.

Bardy olaň bölek-büçek nanlary,
Şonuň üçin gatnap olaň ýanyna,
çalşardyk biz äpet-äpet narlary
olaň sakgyç ýaly, gara nanyna.

Lal dilini öwrenmeli bolýardyk
öwrenýänçäk tamdyr nanyn iýmegi.
Biz ýaşkagam, çagakagam bilýärdik
lal dilinde: “Nanyň ýokmy?” diýmegi.

Atajan ANNABERDIÝEW.
Категория: Goşgular | Просмотров: 320 | Добавил: Mähriban | Теги: Atajan Annaberdi | Рейтинг: 4.7/3
Awtoryň başga makalalary

Goşgular bölümiň başga makalalary

"Garrap ýörünmi ýa men..." / Goşgular - 01.01.2024
Hasap / Goşgular - 18.02.2024
Ýagyş damjasy / Goşgular - 24.03.2024
Soltan / Goşgular - 27.03.2024
Çarwa arabyñ söýgüsi / Goşgular - 10.02.2024
Kyrk ýaşa ýeteniñde / Goşgular - 03.02.2024
Garaş maňa / Goşgular - 17.02.2024
Bagyşla! / Goşgular - 01.01.2024
Düýş hem ýagyş / Goşgular - 09.01.2024
Siziñki / Goşgular - 30.01.2024

Teswirleriň ählisi: 2
0
1 Елена_Прекрасная  
462
Internat hakda gowy goşgusy bar. Yetimleriñ internaty bolmaly. Bu şahyr örän ynsanperwer adam bolan bolmaly

0
2 Allanazar  
878
HALYPANYŇ islendik goşgusyny okanyňda bokurdagyň dolýar.

Teswiri diňe saýta agza bolan ulanjylar goşup bilýär.
[ Agza bol | Saýta gir ]