22:23

Magtymguly Pyragy

MAGTYMGULY PYRAGY

Eý, akyldar adyñ tutsam,
Ýürek joşýar, dynmaýar hiç.
Göwün guşum göge galkyp,
Asla aşak inmeýär hiç.
Set-müñ sapar aýtsam adyñ,
Ýene mährim ganmaýar hiç,
Müñläp-müñläp ýazsam, galam
Bir saparça sanmaýar hiç.
Seniñkiden alyp ylham,
Gyşda, ýazda synmaýar hiç.

Çünki, hemmäñ ýürek ýagy,
Garagöznüñ garasy sen.
Jana deñdeş mähribanlañ
Iñ saýyrdyñ, seresi sen.
Añ-paýhasyñ, merdem sesiñ
Mesgen tutan deresi sen.
Tüm dünýäde zähmetkeşiñ
Gözün diken çyrasy sen.
Saña bolan sarsmaz söýgi
Döwülmeýär, tänmeýär hiç.

Joşýar indi nesillerñe,
Arzuw eden toýuñ seniñ.
Dolup-daşýar Türkmenistan -
Uç-gyraksyz öýüñ seniñ.
At-owazañ galyp arşa,
Göge ýetdi boýuñ seniñ.
Gitse-gelmez ýola gitdi
Gören tupan-gaýyñ seniñ,
Türkmen Altyn asyrynda,
Ýeñiş sazy dynmaýar hiç.

Hudaýguly ALLAMYRADOW.
Категория: Goşgular | Просмотров: 640 | Добавил: Hаwеrаn | Теги: Hudaýguly Allamyradow | Рейтинг: 4.0/1
Awtoryň başga makalalary

Goşgular bölümiň başga makalalary

Meniñ monologym / Goşgular - 01.01.2024
Hasap / Goşgular - 18.02.2024
Käbir aýallara melek diýýäñiz / Goşgular - 04.02.2024
"Garrap ýörünmi ýa men..." / Goşgular - 01.01.2024
Atsyz goşgy / Goşgular - 31.01.2024
Salam, Türkmenistan! / Goşgular - 01.01.2024
Gökdepäm / Goşgular - 22.03.2024
Aldawçynyñ pañ-pañy / Goşgular - 18.01.2024
Жизнь / Goşgular - 29.02.2024
Rubagylar / Goşgular - 13.01.2024

Teswirleriň ählisi: 2
0
1 Edebiyatcy  
15
Eŷ diýip Magtymgula ýüzlenseň Magtymgula gaharlanar, okyjylaram

0
2 Bagabat  
43
Bu ýüzlenmäni, edil beýle, göni durmuşy manysynda-da kabul etmeli dälmikä diýýärin, aslynda "Eý!" diýen ýüzlenmäni aňladýan sözde ilkibaşda hiç hili kemsidiji many ýok bolmalymyka diýip çaklaýaryn. Ir döwürlerde "Gorkut ata" şadessanynda bu sözüň deregini "mere" diýen sözüň tutandygyny görmek bolýar. Soňra musulmançylykda türki halklar "Eýäm Allam!" diýen ýüzlenme-mynajaty gysgaldyp: "Eý Allam!" diýip ulanyp başlapdyrlar. Eýýäm, soňky döwürlerde bu ýüzlenme rus diliniň täsiriniň netijesinde kemsidiji äheňi bar diýlip hasap edilip, halkyň aňyna ornaşyp başlapdyr. Bu ýüzlenmäni bolsa Pyragynyň özem giňden ulanýar. Mysal: "Pakyr menem, senden başga kimim bar? Öz ýaradan janyňa jebir etme, eý Jepbar!" ýa-da "Eý ýaranlar musulmanlar"...

Teswiri diňe saýta agza bolan ulanjylar goşup bilýär.
[ Agza bol | Saýta gir ]