00:51 Meñzeşlik | |
MEÑZEŞLIK
Säher turup, gözüm açan badyma, Ol daga seretmek boldy endigim. Goja başy ak telpekli ak gyşda, Ýaz geýýär bulutdan gara telpegin. Bir görsem dag otyr üç oglun jeñde Aldyran atam deý dik tutup başyn. Bir görsem dag ýatyr Watany goran Üç agam deý berip topraga döşün. ■ GÜLLER Bahar güni mazaryna gerçegiñ, Güller bitdi ýüreginden nem alyp. Dört ýyllap uruşda arzylanlary, Çykypdyr topragyñ üstüne galyp. Säher şemalyna ýüpek gülleriñ, Ülpüldeşýär gyzyllary, aklary. Ak güller - enäniñ kümüş saçlary, Al güller - ýarynyñ al ýañaklary. ■ ESGERIÑ HEÝKELI Niçe ýyldan bäri şol bir ädimi, Bagdan bakyp dur ol öýüne sary. Daşarda galypdyr esger müdimi, Düşegin içerden salyp ýör ýary. Oglundan ýaşdygyn bererler aýdyp, Kyrk ýyldyr gidenne ýigrini ýaşa. Özi öýe girse giräýer öýdüp, Urşy saklap dur ol öwrülip daşa. Aşyrguly BAÝRYÝEW. | |
|
√ Soltan / Goşgular - 27.03.2024 |
√ Düýş hem ýagyş / Goşgular - 09.01.2024 |
√ Puluň başarnygy barada agymtyl goşgy / Goşgular - 10.01.2024 |
√ Eýdip-beýdip... / edebi ýaňsylama / Goşgular - 12.01.2024 |
√ Rubagylar / Goşgular - 13.01.2024 |
√ Günüñ monology / Goşgular - 01.01.2024 |
√ Göreş / Goşgular - 11.02.2024 |
√ Gowy görülen goşgy / Goşgular - 05.01.2024 |
√ Meniñ monologym / Goşgular - 01.01.2024 |
√ Ýagyş damjasy / Goşgular - 24.03.2024 |
Teswirleriň ählisi: 0 | |