Noýabr

NOÝABR

Agşamara,
Güýz howasy,
Noýabr.
Ençe süýji ýatlamalar galdyrar.
Beýle gözel günler, ajaýyp günler
Geljegimde öýdemok men bardyram.

Şu wagt ot ýanyp dur, ýöne oň sesin
Basyp aldy gitaranyň owazy.
Kalbymy gowzadyp öýke-kineden,
Janyma em boldy güýzüň howasy.

Gije.
Asudalyk.
Üýşüp otyrys,
Dört ýyl bile okan ezizlem bilen.
Bagdan gaýyp düşýän sary ýapraklar
Ýatladar olary, düýşüme girer.

Ýyllar geçer gider.
Bizem diýeris:
«Ol pursatlar düýn ýalydy göýä bir…»
Meňzimi däl, ýapraklary saraldan,
Şol süýji gün,
Güýz howasy,
Noýabr.

Saparnepes ATABAÝEW.