Paýtagt

PAÝTAGT

Parhy ýok bu ýurduñ haýsy ýerinde
doglanam bolsañ,
Bu ýere durmuşa çykyp gelen gyz
Ýa okuwa gelen oglanam bolsañ.

Indi sen paýtagtyñ bir bölegisiñ,
Onuñ bilen bagly şatlygyñ, bagtyñ.
Bu taýa öwrenşip gidersiñ basym,
Sen hem raýatysyñ bitewi halkyñ.

Paýtagtym - bu ýurduñ ýüregi bolsa,
Welaýatlar oña barýan damardyr.
Meselem, men Mary Gökje obasynda
doglup,
göbek ganym şonda damandyr.

Barybir men indi paýtagta örkün
örkläp,
gol ýaýradan daragt mysaly
ösüp, bu şäherde ýaşaýan erkin,
Ýürekde besläp müñ arzuw-hyýaly.

Paýtagty - uly ýurduñ raýatlaryn
Öz goýnunda jemläp,
merkezleşdirýär.
Dünýä ýaýrap giden türkmenleñ baryn
Ol aýra tutanok,
Ol birleşdirýär.

Atamyrat ATABAÝEW,
Türkmenistanyñ halk ýazyjysy.

"Garagum" žurnaly, 5 / 2016 ý.