Poeziýa

POEZIÝA

Poeziýa - eşdilmän diñlenýän owaz,
Poeziýa - ol baky gutarmaz sowal.

Poeziýa - dikelýän aýanlyk däldir,
Ol gola tutdurmaz gussaly päldir.

Poeziýa - salgyma ymtylmaklyk däl,
Onda bol zatlara gultunmaklyk kän.

Poeziýa - ejiziñ gözdäki ýaşy,
Giden harasatdyr töwerek-daşy.

Onda başlangyç ýok, onda ahyr ýok,
Onuñ çägin gören ýalñyz şahyr ýok.

Onda säher süýdün emibem bolýar,
Onda çäkden çykyp eñibem bolýar.

Ýer astyny, älem düýbün görmek bar,
Onda başyñ sallap, aglap ýörmek bar.

Poeziýa - Älemiñ hany-many
Ölenleñ mazara girmedik jany.

Allamyrat RAHYMOW.