16:34 Sag bol, Söýgi! | |
SAG BOL, SÖÝGI!
Sag bol, Söýgi! Bir çümmüjek nur çaýdyň Ýagyrnysyn ýyllar gaşan ýazgyda. Seni bagtyň ýollarynda ýar saýdym, «Kynlyk bilen geçilýänin» ýaňzydan. Men özümi seni tanap tanadym, Baý-bow, gögeleje beýnim bar eken. Şonda-da özüme ýeterlik kalbym, Özüme ýeterlik söýgim bar eken. Bir gün-ä kösediň, Synadyň şeýdip, Bir göterdiň bagtyň çür depesine. Asyl, seň üstüňden geçýän eken-ä Uzaýan ýol dünýäň pelsepesine. Bir gün ejem bolup göründiň maňa, Bir gün «Harplyk» bolup göründiň maňa. Bir gün synpdaş gyzyň gözlerne siňdiň, Soň obadaş gyzyň sözlerne siňdiň, Gowşurman şolaryň hijisine-de, Ajy şarpyk bolup göründiň maňa. Garaz, köplük bolup göründiň maňa. Ýöne gizlenseň-de kimiň keşbinde, Haýsy dona bürenseňem tanadym. Sag bol, bagyşladyň günleň ajabyn, Bagyşladyň adamlaryň oňadyn. Görýäňmi, biz bir-birege baglandyk, Geldiňmi, howlukma, biraz ernip git. Sähelçe uçgunyň ömri ýagtyldar, Şonuň üçin heran-haçan görnüp git. Agageldi ITALMAZOW. | |
|
√ Estagfurullaly bentler / Goşgular - 14.02.2024 |
√ Жизнь / Goşgular - 29.02.2024 |
√ Sowuk söz / Goşgular - 31.01.2024 |
√ Rubagylar / Goşgular - 13.01.2024 |
√ Nar / Goşgular - 22.04.2024 |
√ Rubagylar / Goşgular - 01.01.2024 |
√ Kyrk ýaşa ýeteniñde / Goşgular - 03.02.2024 |
√ Nokat / Goşgular - 28.01.2024 |
√ Ömrümiñ manysy bolmaly zenan / Goşgular - 05.02.2024 |
√ Soltan / Goşgular - 27.03.2024 |
Teswirleriň ählisi: 9 | ||||||||
| ||||||||