Главная » 2021 » Maý » 20 » "Sen bolsañ..."
23:38

"Sen bolsañ..."

"SEN BOLSAÑ..."

Dünýämiziñ şeýle uçurymlaşyp,
Kä ýerde daralyp, käte giñelşip,
Ýaşaýyşyñ juda çylşyrymlaşyp,
Durmuşyñ düşnüksiz durka girjegin,
Adamlaryñ bir-birinden irjegin.
Hem wepasyz dostlañ köpeljegini,
Göwün atly Käbäñ ýykyljagyny,
Sorup loly dünýäñ kyrk emjegini,
Agzyndan süýt ysy gitmedikleriñ,
Magtanyp eden-u etmediklerin.
Ýok gepiñ çişirip esseme esse,
Mugt paýlaýarka desseme desse,
Her öñýeten çyndyr öýdüp esetse,
Öýkeni bäş teññä geçmeýänleriñ,
Saçagyñda agnap syçmaýanlaryñ
agzyndan goýberip soñky pohuny,
Heşelle kakjaklañ turzup göhüni,
Äwmesem-de ol namartlañ gohuny,
Kalba salan ýaralaryn sypalap,
Bir gözeli jandan söýüp, apalap.
Soñ elden giderip delmuryp herýan,
Ýar hasratyn çekip, gözlerim girýan,
Ýa bilemok, seniñ ýanyña barýan,
Agyr ýükden ýagyr bolupdyr arkam,
Sen bolsañ beýle-de bolmazdy, kakam.
Ýa şeýle boljagyn duýup gitdiñmi,
"Baş alyp çyk!" diýip, goýup gitdiñmi,
Ýa bu ýalançydan doýup gitdiñmi?!.
Bilýän-ä men, ýokdy zatdan hederiñ,
Eý meniñ merdana, eziz Pederim!..

Has TÜRKMEN.
Goşgular
Категория: Goşgular | Просмотров: 691 | Добавил: Haweran | Теги: Has Türkmеn | Рейтинг: 3.0/7
Awtoryň başga makalalary

Goşgular bölümiň başga makalalary

√ Dostum, arz et jemalyň, janymyz bolsun fereh... / Goşgular - 04.01.2025
√ Eýledi ýar meni dert ile awara, medet... / Goşgular - 12.01.2025
√ Rubagylar / Goşgular - 10.01.2025
√ Meýdan güli / Goşgular - 30.01.2025
√ Ýagşy niýetler / Goşgular - 08.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Ýaraly ýüregiň owazy / Goşgular - 22.01.2025
√ Ýa Biribar / Goşgular - 30.01.2025
√ Bir dem ol dilber jemalyndan yrak olmak ne güýç... / Goşgular - 01.01.2025
√ Aramyzdan gidenleri ýatlalyñ! / Goşgular - 12.01.2025

Teswirleriň ählisi: 15
0
1 bbaygeldiyew  
770
Haladym... ýone öýkeni bäş teňňä geçmeýanler kimler bolup bilerkä?

0
2 Alaýabyly  
788
Hederiň bilen Pederim? Bar bolanymy? Kapiýa şumy? Goşgy gowşak. Onsoňam goşgy arassa bolsa gowy görýän. Aý, hawa "galam häzir meniň elimde, özüm bilýän" diýip hem bolar...

0
3 bbaygeldiyew  
770
Gowy taraplarynam belle-dä

0
4 Alaýabyly  
788
Gowy tarapy kän uzaltmandyr

0
5 myhman  
732
"arasynda dem al" diýesiň gelip giýä.

aýdara zat kän eken.

hemmesini aýtmak başartmazam welin, "ýa bismilla" diýip başlaýyn.

sözlemiň nirede gutarýanyny nokada (.) seredip bilmelimi?

Dünýämiziñ şeýle uçurymlaşyp,
Kä ýerde daralyp, käte giñelşip,
Ýaşaýyşyñ juda çylşyrymlaşyp,
Durmuşyñ düşnüksiz durka girjegin,
Adamlaryñ bir-birinden irjegin.

şu bir sözlemmi?

Dünýämiziñ şeýle uçurymlaşyp,
Kä ýerde daralyp, käte giñelşip,

dünýä daralyp giňelýä diýiljek bolandyram welin, öňündäki "uçurymlaşyp' diýeňsoň, uçurym daralyp giňelýämikä diýip gidýäň.
"giňelşipdäki" ş-da birhili bolupdyr (kapiýa üçindirdä).

Hem wepasyz dostlañ köpeljegini,
Göwün atly Käbäñ ýykyljagyny,
Sorup loly dünýäñ kyrk emjegini,
Agzyndan süýt ysy gitmedikleriñ,
Magtanyp eden-u etmediklerin.

bulam bir sözlemmi?

Sen bolsañ beýle-de bolmazdy, kakam.
şu setire çenli ibaly sözlem ýok. bu setiriňem öňündäkiler bilen baglanşygyny tapyp bilmedim.

başdaky hal işlikli, ýeňiş düşümli sözleriň hemmesi soňundaky kaka berilýän soraga (Ýa şeýle boljagyn duýup gitdiñmi degişli diýseňem

Ýar hasratyn çekip, gözlerim girýan,
Ýa bilemok, seniñ ýanyña barýan,

setirlerem şoňa degişli etmeli bolýa. olam bolanok.

umuman, meň pikirmçe, bolmandyr.

0
7 myhman  
732
Ничего личного

arkaýyn aýdyberiň, miss Елена_Прекрасная, göwnüme zat getiremok.
göwnüme zat getirýändir öýtmegiň göwnüme degdi. degişýän :-).

hemme adam şo bir pikirde bolsa, Has şahyryň aýdanlarynyňam üstüne, dünýä şeýle içgysgynç ýer bolardy.

0
9 atayewabagul83  
688
Bolyar sag bol, ay menem yaltanyanlay com yazmaga, aytsam hazir yaltanlay

0
6 myhman  
732
dünýä öň düzdi, indi uçurymlaşyp gidip barýa.
dünýä öňem uçurymdy, ind-ä wapşe.

dünýä öň birsydyrgyndy, indi bir giňeýä, bir daralýa.
dünýä öňdenem bir giňäp, bir daralyp dur.

ýaşaýyş öň ýönekeýdi, indi çylşyrymlaşdy.

şeýle bolup...

durmuşyň durky öň düşnüklidi, indi düşnüksiz durka girjek bolýar.

öňler adamlar biri-birini ýitirip tapan ýalydy, indi herkim birek-birekden irdi.

şeýle boljagyny...

yzam şonýaly.

goşguda adamlara ýaraýjak sözleri aýdanyň bilen "boldy" bolmaýamyka diýýän. aýdybam oňarmalymyka öýdüp ýörüpdirin, şuwagtam şo pikirde.

men şahyr bolmasamam "adamlar zat üçin dogandan geçýär" manylyrak zady bulam bujar edip ýazsam, köp kişi "bet eken" diýmegi ahmal.

"her kör satyjyň kör bir alyjysy bardyr" diýýälermi!?

0
8 atayewabagul83  
688
Alayt walla:) şerebe däray

0
10 Bagabat  
43
"Kabul ediş (восприятие)" diýen bir zat bar. Şonuň nukdaýnazaryndan ugur alyp jedelleşmek bolsa, iň bir netijesiz pişemikä diýýärin. Sebäbi, mysalyň üsti bilen düşündirilende, 19-njy asyrda aglaba köp türkmenler çaýa düýe, geçi, goýun süýdüni goşup, az-owlagam duz sepip içmegi halapdyrlar. Häzirki döwürde beýle içgini kimiň aňyrsy lezzet bilen "kabul ederkä"?
Ýa-da biz ertirlikde çaýçorbany halardyk. Indiki çagalara çaýçorba içirjek bolsaň ögeýär.
Edebiýadam edil şonuň ýaly. Estetiki kabul edişe wagtam täsir edýär welin, şol bir zamanada-da näçe adam bolsa şonça-da kabul ediş aýratynlyklary (filosofiýa diýýäler :-)) bolýar.
Şol sebäpdenem Ledi Gaganyň aýdymlaryndan melul bolýan melomana, Werdiniň mukamynyň heňleriniň şireliligini ýa-da Bahyň organ sazynyň aýratynlyklaryny heýç haçanam düşündirip bolmazmyka diýýärin.
Pikirini bolsa her kim aýtmaga hakly.
Ýazýan geregini alar, almajagynam okar-da, öz ýanyndan belläp goýar.

0
11 bbaygeldiyew  
770
Öýkeni bäş teňňä degmeýänleri aydan bolsaňyz hoşal bolardy...

0
12 myhman  
732
şol ýerine meň düşünişimi aýdaýyn (awtor has dogry biler)

agyzdan çykýan sözüň howasy öýkenden geleni üçin öýkeni bäş teňňe geçmeýän diýdimikä diýýän. sebäbi öňünden aýdylýanlar (öwünmek, diýmedigiňi diýdirmek, gybatyny (dogry zat aýdylsa - gybat, ýalňyş aýdylsa - töhmet) etmek) söz bilen edilýän zatlar.

Magtanyp eden-u etmediklerin.
Ýok gepiñ çişirip esseme esse,
Mugt paýlaýarka desseme desse,
Her öñýeten çyndyr öýdüp esetse,
Öýkeni bäş teññä geçmeýänleriñ,

hem göçme manyda sözi bäş köpüge geçmeýän, hem göni manyda demi (özi, bar bolmagy) bäş köpüge geçmeýän diýjek bolan bolmagy ahmal.

has dogrusyny Has şahyryň özi bilýär :-)

0
13 Sergezzan  
707
Bir wagtlar meniňem şahyr bolmak arzuwym bardy, emma käbir zatlaryn arzuw bolup galmalydygna düşündim. Wagt gecdi, men uytgedim. Indi hic bir goşgy meniň ünsimi cekmeyar.

0
14 Myrat4556  
767
Очень чувствительные и сильные строки… Читать это спокойно и без волнения — невозможно… Автору выражаю сердечную благодарность…

0
15 sylapberdimuhamov  
1428
Bir demde okap çykýañ, täsiri uzak wagt kalbyñda galýar.
Kommentler hakynda halypamyz Mämmetnazar Babanazaryñ iki setirini yazasym geldi.
Poeziýañ öýüñde galmagal etmäñ.
Özgäñ ýüregine agram düşmesin.

Teswiri diňe saýta agza bolan ulanjylar goşup bilýär.
[ Agza bol | Saýta gir ]