22:33

Seniñ adyñ

SENIÑ ADYÑ

Gaýta-gaýta seniñ gaýtalap adyñ,
Ýaşap ýörün üýtgeşik bir dünyäde —
Sen çykyp bileñok ýadyndan ýadyñ:
Kä gussaly gelýäñ, käte — gülýäñde.

Bulutlardan ýasap seniñ keşbiñi,
Maña pitjiñ atýar bezzat şemalam;
Tolkunlaram, aýdyp menden eşdenin,
Adyñ bilen özün urýar kenara.

Altyn çaýyp deñiz bilen asmana,
Gün çümüp gidensoñ durkuna deñziñ,
Ýyldyzlaram, bir-birinden öñürdip,
Kä adyñy ýazýar, kä çekýär meñziñ.

Ömrüm üçin demi bolan ýaşaýşyñ —
Señ adyñda Poeziýañ heñi bar,
Onsoñ, men nireden tapmalymyşym
Señ adyñy unudara ygtyýar?!

Gamlanmaga bolsa bahana-da ýok,
Ynjytmakdan gorkup, gaçyp gaýtsamam,
Hemme zatdan halas eden deñizde
Dert bolmakdan gutularyn öýtsemem...

Ine-de, duýgymdan joş alan tolkun
Çägä ýazyp gitdi seniñ adyñy...
Ýa señ adyñ, gorkup unudarymdan,
Meñ ýadyma özün ýazan jadymy?

Bilemok,
Bilmäge goýañok dadym,
Ejizligme kinaýaly gülýäñde —
Ýadym gaýta-gaýta gaýtalap adyñ,
Ýaşap ýörün üýtgeşik bir dünýäde..

Çary ATAÝEW.

Категория: Goşgular | Просмотров: 317 | Добавил: Nurdan | Теги: Çary Ataýew | Рейтинг: 5.0/1
Awtoryň başga makalalary

Goşgular bölümiň başga makalalary

Suwdan ot çykaran goşgy / Goşgular - 31.01.2024
Gije hem gündiz / Goşgular - 07.02.2024
Sowuk söz / Goşgular - 31.01.2024
Günüñ monology / Goşgular - 01.01.2024
Победителям / Goşgular - 29.02.2024
Atsyz goşgy / Goşgular - 31.01.2024
Жизнь / Goşgular - 29.02.2024
Meniñ monologym / Goşgular - 01.01.2024
"Diýdiñ: Gelin bolup görkezeýinmi?.." / Goşgular - 14.02.2024
Dostluk hakda / Goşgular - 18.02.2024

Teswirleriň ählisi: 1
0
1 Jumjume  
571
Ajaýyp!

Teswiri diňe saýta agza bolan ulanjylar goşup bilýär.
[ Agza bol | Saýta gir ]