Главная » 2018 » Sentýabr » 23 » ..Sõzümden başga aýbym ýok..
10:22

..Sõzümden başga aýbym ýok..

SÕZÜMDEN BAŞGA AÝBYM ÝOK!

Men bir göni gelen jeren,
Gözümden başga aýbym ýok.
Ile aýdyp bilmän ýören
Sözümden başga aýbym ýok.

Üstüne zat goýulmadyk,
Kül boluban sowrulmadyk,
Köräp oda öwrülmedik,
Közümden başga aýbym ýok.

Akar suwda sep bolarmy?
Warsakydan gep bolarmy?
Ajaýyp zat köp bolarmy?
Azymdan başga aýbym ýok.

Iç hümletdim, il eşitdi,
Syrymy pişme deýin seçdi,
Ömrüm-ýagmyr ýaşyn saçdy –
Ýazymdan başga aýbym ýok.

Ýaş sahyr men, ýetdim ellä,
Meşhur boljakdym şu pillä,
Nä ýazygy bar mähelläň?!
Özümden başga aýbym ýok.

Men bir göni gelen keýik,
Gözümden başga aýbym ýok.
Aýdyp ýetişmejek beýik
Sözümden başga aýbym ýok.

Gurbandurdy Orazow
Категория: Goşgular | Просмотров: 631 | Добавил: Zerinaý | Теги: Gurbandurdy Orazow | Рейтинг: 3.7/6
Awtoryň başga makalalary

Goşgular bölümiň başga makalalary

√ Mürze ýigit / Goşgular - 12.03.2024
√ Garaş maňa / Goşgular - 17.02.2024
√ Rubagylar / Goşgular - 01.01.2024
√ "Garrap ýörünmi ýa men..." / Goşgular - 01.01.2024
√ Hasap / Goşgular - 18.02.2024
√ Salam, Türkmenistan! / Goşgular - 01.01.2024
√ Eýdip-beýdip... / edebi ýaňsylama / Goşgular - 12.01.2024
√ Düýş hem ýagyş / Goşgular - 09.01.2024
√ Suwdan ot çykaran goşgy / Goşgular - 31.01.2024
√ Lenç edilen nakyl / Goşgular - 05.02.2024

Teswirleriň ählisi: 1
3
1 Zerinaý  
5
Salam, ýuka ýürek gaýgyçyl ejem,
Sen nämä gyýylýaň ýönekeý zada.
Ykbal getiripdir şu günlere çen,
Diýmek, biz bagtly ýagty dünýäde.

Seň ojagyň bereketin, hözirin,
Tagamyny ýelden ýumşak elleriň.
Süňňümde aýdym deý göterip ýörün,
Men ony hiç haçan undup bilmerin.

Saçlaryň dek ak daňlara garaşyp,
Seň maňlaýyň gasyny deý ýollarda.
Jigerbendiň seniň düýşüňe girer,
Umydyňdan jyda düşüp horlansa.

Aýralygyň ýalňyz ýyldyzy öçer,
Toý deýin sowrular badysabalar.
Ogluňy hassa edip ýörmegin, eje,
Şükür, men ekabyr murty taban-a.

Men bir gyzyň ýüreginiň wysaly,
Çyn dosty men kän arzuwçyl oglanyň,
Ýok, men ýitmen ömürzaýa mysaly,
Bil, bähbide çeker meniň doglanym.

Gurbandurdy Orazow

Teswiri diňe saýta agza bolan ulanjylar goşup bilýär.
[ Agza bol | Saýta gir ]