Aşgabat

AŞGABAT

Äleme ýaň salýar bu gün seň adyň,
Halkyň baky aýdymy sen Aşgabat.
Ýüpekden dokalan, synmaz binýadyň.
Belent ruhym, daýanjym sen Aşgabat.

Asuwda asmanda parahat halkyň,
Goýnuň behişt jaýy egsilmez bagtym,
Ak mermer binalaň belentdir tagtyň,
Dost-doganlyk mekany sen Aşgabat.

Aziýaň merjeni, düri sen gaşdan,
Sen bagtyň baýlygy ýagty kumaşdan,
Ynsan söýgüsinde dörän taraşdan,
Gül-gunçaly bossany sen Aşgabat.

Gadym Ýüpek ýolnuň çatrygyn syryp,
Gün bilen nurlanýaň daglary ýaryp,
Taryhy ýollara ykbalyň garyp,
Garaşsyzlyk binýadym sen Aşgabat.

Berkarar döwletiň, bagtyýar döwri,
Sazanda saz çalýar, ganatly göwni,
Arkadag Serdarly agzybir ili,
Bir suprada başa täç sen Aşgabat.

Aýgözel SERDARGELDIÝEWA,
Döwletmämmet Azady adyndaky Türkmen milli dünýä dilleri institutynyň talyby.