11:38

Unaş

UNAŞ

Peýda ýok mañlaýña ýaglyk goýmadan
Ýa haýyr ýok el-aýagyn oýkala.
Geldi, ine, içi doly noýbadan,
Gyzyl burçly, unaşly bir okara.

Unaşa siñdirlen mähir hem yhlas,
Dertden halas etdi gelniñ ärini.
Söýýän wagty,
tapýar gelinler bizi
Ajaldan hem alyp galmañ tärini.

* * *

Saçyñ kement edip, sal sen boýnumdan,
Saña ýesir düşsem, galmaz azarym.
Janym al-da, jaýla meni goýnuñda,
Seniñ goýnuñ bolsun meniñ mazarym.

Ýataýyn kyýamat-magşara çenli,
Şol günde gaýtadan dirilerin men.
Bakyda-da seni söýjegim belli,
Ýene seniñ bilen birigerin men.

* * *

Dogry sözi gizläp bilýän batyr däl,
Dogry sözi sözläp bilýän batyrdyr.
Başga dine uýup gelýän kapyr däl,
Diniñ bozup, dübläp gelýän kapyrdyr.

Akylly söz aýdyp bilýän akyl däl,
Akylly söz tapyp bilýän akyldyr.
Señ aýbyñy aýdyp bilýän ýakyn däl,
Señ aýbyñy ýapyp bilýän ýakyndyr.

Atamyrat ATABAÝEW.
Категория: Goşgular | Просмотров: 329 | Добавил: Haweran | Теги: Atamyrat Atabaýew | Рейтинг: 3.4/5
Awtoryň başga makalalary

Goşgular bölümiň başga makalalary

Kyrk ýaşa ýeteniñde / Goşgular - 03.02.2024
Ömrümiñ manysy bolmaly zenan / Goşgular - 05.02.2024
Nokat / Goşgular - 28.01.2024
Siziñki / Goşgular - 30.01.2024
Çarwa arabyñ söýgüsi / Goşgular - 10.02.2024
Lenç edilen nakyl / Goşgular - 05.02.2024
Wiswisi lakamly obadaşymyň ömür beýany / Goşgular - 25.03.2024
Alabahar / Goşgular - 21.03.2024
Perişan kalbyñ umydy / Goşgular - 01.01.2024
Kyrk ýaşa ýüzlenme / Goşgular - 03.02.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]