13:16 Wah, şol günler... | |
WAH, ŞOL GÜNLER...
Ýabyñ boýy. Şatut. Astynda-da sen, Dursuñ, el telefonynda bar ünsüñ. Ýagyş çala sepeleýär. Öýlänler. Men ýanyña barýan. Töwerek ümsüm. Barýan yşkyñ tanapyny külterläp, Ätdigimçe barýar ara gysgalyp. Telefonym ses etdi, tisginip gitdim, Sebäbem ýokdu-la esemeskalyk. "Gelsene tiz, ýürek ýarylyp barýar", Senden nama. Her sözüñde bar ýalñyş... Hawa, soñra... süýji-süýji wadalar: Hem ertekä meñzeş gündelik durmuş. Käte yşkdan serhoş bolañda diýrdiñ: "Ýedigeni üzüp dakýan ýakaña". Menem diýrdim: "Ýolagçylar azaşar, Seredende ýedigensiz asmana". "Sözüm kesä çekme, aýdýan çynymy" Iñ oñat bahana elden tutmaga. Soñ näz-u-kereşme. Ahyrynda-da: Wadalaşmak ömri ömre gatmaga. Iñ soñky duşuşyk. Soñ toý. Täze jaý. Indi biz bileje. Täze ýaşaýyş. Soñ goç ogul. Iş-alada. Söýgä-de Ikimizde-de ýok öñki garaýyş. Ogul-gyz uklanda süýji ýatlama, Goja tut astynda berlen wadalar. "Söýgem dünýe ýaly amanatmyka" ...diýip agyr oýa batýan käteler. Dogry, her döwrüñ öz sapasy bar. Öz sapasy bilen joşýar göwünler. Kalbyñ bir künjünde goş basyp ýatyr, Şo-ol çyndan söýdüren, söýülen günler. Wah, şo günler! Wah, şo günler, şo günler, Bu hakda sen meni gepletmesene! ...Söýülen şo günleñ ýeke minuty Degýär şu günleriñ bir hepdesine. ▶ UMYT "Gelerin" diýipdi. "Bir ýalñyz günüñ göwnüñ galyp, ýürek gama batanda. Uklap bilmän, uzak gije ah çekip, Garaşañda, giçläp dañlar atanda". "Gelerin" diýipdi. "Bagryñy ezip, Ýatlap yşkyñ ýollaryny tireñde". "Gelerin" diýipdi. "Çyndan garaşyp, oda düşüp, garaşmakdan ireñde". ~ Seniñ aýdanlaryñ barysy boldy, Ýalñyzluk gurşapdyr töwerek-daşym. Tiziräk gel, ýogsam gijä galarsyñ, Köýdür meni garaşmaklyk ataşy ~ Diýip, saba oña nama ýolladym, Şemal elter. Bagra basyp alar ol. ...Göwün gapysyndan nal asyp goýdum, Gelee at segredip, hökman geler ol. ▶ ATAM BILEN SORAG-JOGAP ~ Atam, neçün daglañ başy dumanly?! ~ Läheñ-läheñ daşlar degresindedir. ~ Neçün agyr kerwen bir nere bagly?! ~ Iñ agyr ýük şonuñ gerdenindedir. ~ Daglara, nerlere kim kömek eder, Hemaýat islese kim oña ýardyr?! ~ Olar kynçylykdan etmezler heder, Hak işliniñ depesinde Hak bardyr. Leýli GURBANOWA. # nesil_2018 | |
|
√ Şemally gün / Goşgular - 27.01.2024 |
√ Estagfurullaly bentler / Goşgular - 14.02.2024 |
√ "Gelin jan..." / Goşgular - 26.03.2024 |
√ Gije hem gündiz / Goşgular - 07.02.2024 |
√ Sowuk söz / Goşgular - 31.01.2024 |
√ Käbir aýallara melek diýýäñiz / Goşgular - 04.02.2024 |
√ "At bilen kowalap gördüler ony..." / Goşgular - 01.01.2024 |
√ Puluň başarnygy barada agymtyl goşgy / Goşgular - 10.01.2024 |
√ Nokat / Goşgular - 28.01.2024 |
√ "Garrap ýörünmi ýa men..." / Goşgular - 01.01.2024 |
Teswirleriň ählisi: 7 | ||||||||
| ||||||||