18:01 Ýagyşly gün... | |
ÝAGYŞLY GÜN...
Unutmakçydym men geçen ýyllary, Birden bulut gök asmany gaplady. Gün käte gizlendi, käte göründi, Ýürek ýene umyt taýa ätledi. Unutmakçydym-la! Ýöne tebigat seň şol bir gelişiňi saldy ýadyma. Edil bolşuň kimin geçen günlerde, Sen ýene-de bat goşýarsyň badyma. Unutmakçydym-la! Awara şemal, Seniň sypan saçlaryňy oýnady. Pikirlerim tänip düşýän ýaprak deý, Meni asla öz erkime goýmady. Unutmakçydym-la! Asman galdyrap, Dökdi gözýaşyny aglaýyp ýanyp. Gam-gussa çolanan çyplak baglary, Serden çykararly däl eken, anyk! Unutmakçydym-la! Derekli ýolda galan yzymyza nazarym düşdi. Biçäre ýapraklar aglaýar, ylla, Unudyp bilmeýär biwepa yşky. Unutmakçydym-la! Unudyp bilmedim, Şemal, ýagyş, göwnüm-gözüm ýaglanan. Ýola çykypdym men, ýene dolandym - Pikir-ýadym saňa baky baglanan. | |
|
√ Kyrk ýaşa ýeteniñde / Goşgular - 03.02.2024 |
√ Garaş maňa / Goşgular - 17.02.2024 |
√ "Ulag gidip barýar..." / Goşgular - 28.04.2024 |
√ «Отвергнув гордое сомненье…» / Goşgular - 29.02.2024 |
√ Käbir aýallara melek diýýäñiz / Goşgular - 04.02.2024 |
√ "At bilen kowalap gördüler ony..." / Goşgular - 01.01.2024 |
√ Perişan kalbyñ umydy / Goşgular - 01.01.2024 |
√ Ynanarmykan? / Goşgular - 30.01.2024 |
√ Çarwa arabyñ söýgüsi / Goşgular - 10.02.2024 |
√ Bagyşla! / Goşgular - 01.01.2024 |
Teswirleriň ählisi: 2 | |
| |