Ýaz geler, ýazaryn goşgy

ÝAZ GELER, ÝAZARYN GOŞGY

Ýaz geler, ýazaryn goşgy,
Iňrik kemsiz garalanda.
Geçen günleň düşer yşgy
Bitip giden ýaralarma.

Isläp göwnüň joş bolaryn,
Körärne köňlümde oduň.
Men özümden hoş bolaryn,
Günümden bolaryn nadyl.

Bendelerden dilgir bolup,
Hudaý deý galaryn ýeke.
Çagalygym ýylgyr gelip,
Meni bir dem bagtly eder.

Gorar sargaryp solmadan
Sebäp ýazlar ter hem ýagty.
Özüm bagtly bolmadym,
Özgä nädip biýrin bagty?!

Bolar ile şükürlerim,
Aman sypsam gara gyşdan.
Kämil bolar pikirlerim,
Özgär meniň garaýyşlam.

Çaga umytlary deýin
Meniň kalbym biserhetdi.
Ýaz röwşen gözi bilen
Açar meni bir seretse.

Ýaz geler, ýazaryn goşgy,
Akar setirlem suw ýaly,
Persala bolan perýadym
Peri ýaraty guw ýaly
Göterlip bilmez asmana.
Kagyz deý solan gussalam
Ýer tapmaz özün atmana.

Ýalňyz gumry deý ýüregim
Gursagymda urar perwaz.
Onuň gutarmaz derdine
Näm bilen eýlärin derman?!

Hasyl perişdesem dözmän,
Gider aglap, saçyn ýaýyp,
Tapmajak zadymy gözläp,
Geçirdim ömrümi haýyp.

Eger ölsem, bir ölüm däl,
Günäkäri bor başga-da.
Ýaz geler, ýazaryn goşgy,
Ýüzüm ýuwup ýagyşlara.

Gurbandurdy ORAZOW.