09:47 Yşk damjalary | |
YŞK DAMJALARY
Söýgi hem, edil guş ýaly, kä uçýar, kä gonýar. Öz köňlüňe bak! Yşgyň köreýän bolsa, bu seniň okamaly kitabyňdyr. Okaňsoň, yşgyň joşuşyna-da bir bak! *** Bu söýgüden maňa ýeten -hesretli ýatlamalar boldy. *** Sen geleňde köşk - saraýdym. Haraba döndüm, saraýdym. *** Gül satýanam, aşygam: ”Gülümi alýan ýok” diýip nalady. *** Indi gelme! Seni gözleý-gözleý, ýüregimi bölek - bölek böldüm. Bir bölekdenem seni tapmadym. Indi gelme! *** -Näçe ýaşansyň? -Näçe gözel gören bolsam, şonça. *** Men bir eýjejik gözel görsem: ”Wah, Allajan, meni näme üçin BU GÖZELE taý etmedikä?” diýýän. *** Wah, o solan gülleriň yslary gamgyn. *** Malym, döwletim elden gidýär diýýäň. Seňki ýagşy-la. Meniň yşgym elden gidýär, yşgy-ym!!! *** -Hany, gelmejekdiň-le?! Dünýäni terk edip gitjekdiň-le?! -Wah, men gelmedim, jesedimi getirdim. *** Dogrymy aýtsam, “Mejnun bilen bir synpda yşk sapagyny okaşdym.” Ol dörtlük alardy, meňki bäşlikdi. *** Tanasalar bir nyşandan, Tanarlar meni yşgymdan. *** Ölümim bir ýürege, bir yşga jan bermese, ölüp oturasy iş ýok. *** Ýadyňdamy!? Ak garly basgançaklardan aýakýalaň ylgap- ylgap düşüpdiň. Basanyňa begenip sowuk garlar eräpdi. Ýadyňdamy?! *** Söýdügine zar bolanyň, ölende gabry dar bolar. *** Soňky sözüm şeýle bolar: “Allajan! Söýgülime duşurmadyň. O dünýäde, dowzahda duşursaňam razydyryn.”. *** Wah, gül ömrüm köýdi! Niredekä? Niçikkä? Ýatlaýarmyka? Her säherde üç soraga jogap gözläp ömrüm köýdi. *** Ýagmyr bolup gel! Ýagmyr bolup gel! diýdiň. Men diňe Ýagmyr däl, ORAZ ÝAGMYR bolup geldim. *** AŞYK OKYJYM! Aşyklaryň bu mukamy tükenmez. Ony özüň dowam edeweri! © Oraz Ýagmyr. Yşk damjalary. Ankara, 2002. Alynmalar. Çeşmesi: https://kitaphana.net/book/624/read. 18.02.2022ý. | |
|
√ Eýdip-beýdip... / edebi ýaňsylama / Goşgular - 12.01.2024 |
√ Täjir tanşyma / Goşgular - 16.01.2024 |
√ Hasap / Goşgular - 18.02.2024 |
√ Salam, Türkmenistan! / Goşgular - 01.01.2024 |
√ Düýş hem ýagyş / Goşgular - 09.01.2024 |
√ Çarwa arabyñ söýgüsi / Goşgular - 10.02.2024 |
√ Lenç edilen nakyl / Goşgular - 05.02.2024 |
√ Was-wasylara... / Goşgular - 23.01.2024 |
√ Tilki bilen üzüm / basnýa / Goşgular - 10.01.2024 |
√ Goltugy daşly adam / Goşgular - 05.01.2024 |
Teswirleriň ählisi: 2 | ||
| ||