03:20 Atamyñ ruhuna | |
ATAMYÑ RUHUNA
Goşgular
![]() Başyma al bürenjegi büredäm, Geldim, ugrat, özgä dodak çöwürtmän. Garabekde ýatyrmysyň, garadag, Onuň gara topragyny bagyrtlap. Atam, garyp atam, ýeriň pestinde, Nirdeligin tapa bilmän bagtynyň. Ine, bu gün ýoly düşdi üstüňden, Seň mekansyz entäp ýören agtygyň. Ýar bolup saçymy sypanda säher, Köňlüň nähak azabyny çekdim men. Bagt nire, şatlygymy birmahal, Ýazlaryň boýnuňdan asyp çykdym men. Agaçlara münüp gussa çekýär güýz, Ýel äkidýär ýapraklaryň perýadyn. Ýadyňa düşende gam çekme eziz, Munda meňki däldigine hiç zadyň. Men onsuzam bagtly borun, jigerim Eltip zyňsalar-da tümüň çetine. Baryp gögüň çürbaşyna degerin, Bagtlylaryň gar ýagdyryp petine. | |
|
√ "Ýene-de daň atdy..." / Goşgular - 01.01.2025 |
√ Ýa Biribar / Goşgular - 30.01.2025 |
√ Dil pyrak odunda ýandy, galdy jan hijran era... / Goşgular - 12.01.2025 |
√ Ýaraly ýüregiň owazy / Goşgular - 22.01.2025 |
√ Söýlemezlik harjysy söýlemegiň hasydyr... / Goşgular - 04.01.2025 |
√ Eýledi ýar meni dert ile awara, medet... / Goşgular - 12.01.2025 |
√ Kowusnama: Bedew edinmek hakynda / Goşgular - 12.01.2025 |
√ Oňşuksyz öý / Goşgular - 12.01.2025 |
√ Lolular / Goşgular - 08.01.2025 |
√ Dünýä maňa aşyk bolsun! / Goşgular - 07.01.2025 |
Teswirleriň ählisi: 0 | |