16:35 Azerbaýjan | |
AZERBAÝJAN
Tutuş bir ýyl bossanyñda ýaýnadym, Gül-gunçalañ serhoş etdi serimi. Saza baý, ýaza baý çarlaklar ýurdy Dähedemläp gezdim bütin ýeriñi. Sumgaitde, Kýurdamirde, Bakuwda, Gördüm badam gabak gözelleriñi. Şemahada, Fizulyda diñledim, Dili süýjüleriñ gazallaryny. Inçe billi gyzlar suwa gelende, Küýzesini suwdan dolduryp berdim. Kyrk çille gazabna tutan mahaly, Bir periñ gözünde bahary gördüm. Kamaty ýaý bolan şahandaz gojañ, Müñ manyly söhbetinden ganmadym. Dag-deräñe, gülli ýaýlalaryña - Ýör - diýseler, çakylykdan galmadym. Üstüñden ýol düşse, salama barsam, Mugamlaryñ ýene diñlenermikä? Zeýnep Hanlarowa* gaşyma gelip, "Söýgi aýdymyna" hiñlenermikä? Kowus OMADOW. ___________________________________ * Zeýnep Hanlarowa Ýahýa gyzy (1936 ý.d) - azerbaýjan sowet aýdymçysy, SSSR-iñ halk artisti. "Edebiýat we sungat" gazeti, 1987. | |
|
√ Bagyşla! / Goşgular - 01.01.2024 |
√ Owadan pyçak hakynda erteki / Goşgular - 09.04.2024 |
√ Är garrar... / Goşgular - 30.04.2024 |
√ Jisim... / Goşgular - 31.05.2024 |
√ Düýşgowuran / Goşgular - 08.04.2024 |
√ Siziñki / Goşgular - 30.01.2024 |
√ Nokat / Goşgular - 28.01.2024 |
√ Jüleýbib sahaba / Goşgular - 29.05.2024 |
√ Soltan / Goşgular - 27.03.2024 |
√ Bir millet / Goşgular - 20.05.2024 |
Teswirleriň ählisi: 0 | |