06:13 «Baharda gelerin» diýip gidipdiň... | |
|
«BAHARDA GELERIN» DIÝIP GIDIPDIÑ...
Goşgular
 «Baharda gelerin» diýip gidipdiň, Ynha, bahar! Ynha, ýagyş! Ynha, men! Ýollaryňda sergezdan men, tenha men. «Gelerin — diýipdiň — ýollary aşyp», Ynha, bahar! Ynha, ýagyş! Ynha, men! Ynha, penjireden sowujak şemal hemem ýagşyň sesi gelýär çalaja. Gazetlerem öňküsi deý dur çaşyp. Men henizem seň gadryňy ýatladýan Pälwan Halmyradyň aýdymna aşyk. Ynha, bahar! Ynha, ýagyş! Ynha, men! Şabyrdaplar ýagýan ýagşyň sesinde, Göwnüme däl, çynym, seň sesiň gelýär. Al-elwan güllere ýaganda ýagyş, Dogry, diňe şonda seň ysyň gelýär. «Baharda gelerin» diýip gidipdiň. Men indi nireden soraýyn seni?! Tomusdanmy, güýzdenmi ýa gyşdanmy?! Ýa baharda göçüp gelýän guşdanmy?! Öňler düýşlerme-de bolýardyň myhman, Indi düýşlerdenem uzak sen, uzak! Ynha, bahar! Ynha, ýagyş! Ynha, men! Ýollaryňda sergezdan men, tenha men Ir-säherler demim alyp uludan, Goşgy baryn okap Nobatgulydan, Özüme teselli berýänem weli, Bahar gelip penjirämi kakanda, Ýagyşly gün penjireden bakamda Şeýle bir, şeýle bir küýseýän seni. Ýylgyrşyňy Güne, sesiň bilbile, Şatlygyňy bu ýazlara meňzedýän günlerimi ýatlap, küýseýän seni. «Baharda gelerin» diýip gidipdiň, Ynha, bahar! Ynha, ýagyş! Ynha, men! Batyr HOJANYÝAZOW. | |
|
| |
| √ Ýa Biribar / Goşgular - 30.01.2025 | |
| √ Ýagşy niýetler / Goşgular - 08.01.2025 | |
| √ "Ýene-de daň atdy..." / Goşgular - 01.01.2025 | |
| √ Dil pyrak odunda ýandy, galdy jan hijran era... / Goşgular - 12.01.2025 | |
| √ Men bir ýola... / Goşgular - 12.01.2025 | |
| √ Dünýä maňa aşyk bolsun! / Goşgular - 07.01.2025 | |
| √ Söýlemezlik harjysy söýlemegiň hasydyr... / Goşgular - 04.01.2025 | |
| √ Aramyzdan gidenleri ýatlalyñ! / Goşgular - 12.01.2025 | |
| √ Meýdan güli / Goşgular - 30.01.2025 | |
| √ Rubagylar / Goşgular - 10.01.2025 | |
| Teswirleriň ählisi: 1 | ||
| ||
0
