Главная » 2021 » Dekabr » 2 » Galan bar
21:24

Galan bar

GALAN BAR

Däli köňlüm gel gideli watana,
Onda saňa gözi ýolda galan bar;
Kasyt gerek bu ýollardan ýörmäne,
Näzli ýaryň Ülkesinde talaň bar...

Gülüm-gülüm, meni eýlediň gülünj-ä,
Ýüz agladym, bir şat bolup gülinçä,
El götermen eteginden ölinçä,
Meger bizi ýardan aýra salan bar.

Ajalym ýetişip, peýmanam doldy,
Gül meňzim sargaryp bihuda soldy,
Diýdiler "söwdügiň ýary ýat oldy",
Diýdi belki ýedi ýatdan gelen bar.

Aşyk Hemra, giriftardyr özüňe,
Ýandy bagrym, kebap boldy ýüzüňe,
Ynanmanam ykraryňa, sözüňe,
Biykrar sen, ykraryňda ýalan bar!..

"Saýatly Hemra" dessanyndan.
Goşgular
Категория: Goşgular | Просмотров: 414 | Добавил: Raýdaş | Теги: Saýatly Hemra | Рейтинг: 3.0/3
Awtoryň başga makalalary

Goşgular bölümiň başga makalalary

√ Geçmişden bir ahwal ýa-da Sanjar hekaýaty / Goşgular - 17.05.2024
√ Ybraýym Ýusupdan goşgular / Goşgular - 09.10.2024
√ Wagtydyr / Goşgular - 12.09.2024
√ Muhammet / Goşgular - 27.08.2024
√ Eý, Ýusup, şu gözleri görmeýän Ýakuba gel... / Goşgular - 18.10.2024
√ Ker bolar gulak / Goşgular - 12.06.2024
√ Gul aga / Goşgular - 12.06.2024
√ Ömrüñ manysy / Goşgular - 15.11.2024
√ Dünýe... / Goşgular - 11.02.2024
√ «Ýa men ahate elmükel-eşýaýe külleha» / Goşgular - 03.08.2024

Teswirleriň ählisi: 8
1
1 Raýdaş  
130
Merhum Döwlet ýetimiň halk aýdymlaryny diňläp otyryn şu pille. Şu şygryň aýdymyny beter gowy görýän. Ageýinlerime ýetireýin diýagaýdym!

1
3 Aksary  
876
Döwlet kaka barada dillenip geçmegiñiz juda begendirdi.... çünki şolañ obasynda zehinliler kän eken, başga-da Nedir Ýusubow......

Ömrüñ bolsun.

1
2 Raýdaş  
130
Biz gadym çarwa halky, şoňa görä-de edebiýatymyz hem retoriki häsiýetli. Men bu soňky çykan "daşy akja içi garaja" mollasumaklaryň tersine aýdym-saza gaty ýokary baha berýän. Özüň bilýäň Owgandaky 7 milýon hazar türkmenlerem özlerini bizden kem türkmen saýanok emma ene dillerini ýitiripdirler. Fars diliniň gödegräk şiwesini "hazaragi" diýip gepleýärler. (Nähili gynanç hakykat...) Biz entegem ene dilimizi arassa gepleýän bolsak (ynanyň bir türkolog hökmünde aýdýan Oguz dilleriniň içinde iň arysy biziňki) halk döredijiliginiň, dessanlarymyzyň, nusgawy şahyrlarymyzyň we bagşylarymyzyň bu babatda gaty uly orny bar. O urha-urluk ýyllarynda medrese okamaga kimiň gurbaty çatjak? Bir obadaky sowatly adamlaryň sany eliň barmak sanyny geçmedik döwürlerde bagşylar halk köpçüligine açyk "halk seminarlary" wezipesini ýerine ýetirdiler. Hemmesine salam bolsun!
"Saýatly Hemra" dessany hem hakyky oguz-türkmen dessany. İçindäki goşgulary halk aýdymyna öwrülen iň naýbaşy dessanlarymyzdan biri. Hemmämiziň uly höwes bilen diňleýän Annaberdi Atdanow ýaly bagşylaryň, "Syrly mukam" ýaly ady ebedileşen çeper filmleriň aýdymlary aglaba şu dessandan. Milletsöýerlik bir tarapa, filolog hökmünde garasaňam halk dessanlarymyz baha kesip bolmajak derejede gymmatly eserler.

1
4 Raýdaş  
130
Aslynda teswirde belläp geçerden giň we çuňňur temalar (makalalyk temalar) weli şu ýaltalygyma towpyk bersin-dä...

1
5 Raýdaş  
130
Ýöne özüm ýazmasam hem ýazýarlar tüweleme. Käwagt edebi oturlyşyklarda gürrüň beren meselelerimi hamana öz pikirlerimiş ýaly onda-munda bloglaryna ýazyp ýörenlerem bar. İl-güne ýetse bolýa diýip sesimi çykaramok menem. :-)

1
6 Raýdaş  
130
"Sabyrly at ýaman kişňär" diýýär. Sesimi çykarsam ýarylmaly bolaryn. Onda-da nesibesini alan köp bolar. Ýolötenli bir dostumyň "Taýmaz akga seň şu bolşuň bolo" diýşine laýyk ümsüm otyryn onsoň... :)

1
7 Raýdaş  
130
Hawa "Taňryň tokmagy - Has dädäň" ömri uzyn bolsun! :))

1
8 Raýdaş  
130
"Ýagşyny ýatlasaň ýanyňda gögär" diýipdirler... Hoşgeldiň ded!
(Asyl siz hoşgeldiňiz, bäri meň ýerim" diýsene :))

Teswiri diňe saýta agza bolan ulanjylar goşup bilýär.
[ Agza bol | Saýta gir ]