"Garagol oglanyñ" "garagolluklary"

"GARAGOL OGLANYÑ" "GARAGOLLUKLARY"

Demirgazyk Koreýanyñ döwlet ýolbaşçysy Kim Jong-Unyñ "korrupsionerlikde" aýyplanýan Goranmak ministri Ri Ýoung-Gile ölüm jezasyny berendigi orta atyldy.
Iñlisleriñ "Independent" gazeti muny Günorta Koreýanyñ "Yonhap" habarlar agentliginiñ habaryna esaslandyrdy. "Yonhap"-yñ habar bermegine görä Demirgazyk Koreýanyñ döwlet ýolbaşçysy Kim Jong-Un 2013-nji ýylyñ awgust aýyndan bäri Goranmak ministri wezipesinde oturan general Ri Ýoung-Gil "parahorlukda" aýyplap, ölüm bilen jezalandyrdy.
Demirgazyk Koreýanyñ syýasy režiminiñ ýagdaýyny içgin bilýän başga bir çeşmäniñ berýän habarynda general Ri Ýoung-Giliñ "wezipe ygtyýarlygyndan hyýanatçylykly peýdalanmakda" aýyplanyp bir aýyñ içinde sud edilendigi aýdylýar.
General Riniñ ýakynda uzak aralyga atylýan raketalaryñ synag edilmeginiñ şanyna guralan dabaralara we häkimiýetdäki partiýanyñ goşun bilen bilelikdw guraýan toplanşyklaryna gatnaşmazlygy hem ýokarda öñe sürülenleriñ dogrudygyna güwä geçýär. Döwletiñ "saýasyndaky" "Rodong Sinmun" gazeti-de çärelere gatnaşanlaryñ sanawynda Riniñ ýerine Howpsuzlyk ministri general Ri Mýong-Sunyñ adyny çap etdi.
Demirgazyk Koreýanyñ Goranmak ministri Ri Ýoung-Giliñ 2014-nji ýyldan bäri Kim Jong-Unyñ gözünden düşendigi orta atylýar.
Koreýa Halk Goşunlarynyñ hereketi ministri wezipesine 2014-nji ýylyñ mart aýynda bellenen general Pýon In-Sonuñ ölüm jezasy berlen general Ri Ýoung-Giliñ kürsüsine oturdylandygy aýdylýar.
Kakasy Kim Jong-Iliñ 2011-nji ýylda aradan çykmasyndan soñ häkimiýeti ele alan Kim Jong-Un mundan öñ arasynda agasynyñ hem bolan birnäçe ýokary wezipeli işgärleri ölüm bilen jezalandyrypdy.

• Kim Jong-Il ýeññesini-de zäherläp öldürdi

Demirgyk Koreýanyñ döwlet ýolbaşçysy Kim Jong-Iliñ 2014-nji ýylda Kim Kýong Huini zäherläp öldürendigi hem orta atylýar.
Demirgazyk Koreýanyñ syýasy režimine onlarça ýyl hyzmat eden ýokary wezipeli işgärleriñ biri ýurtdan gaçyp gidenden soñ Amerikanyñ "CNN" teleýaýlymynda çykyş etdi. Koreýanyñ paýtagty Phenýandaky garyndaşlaryna zyýan ýetmezligi hakyky at-familiýasyny aýan etmek islemän "Park" lakamyny ulanan ol işgär Kim Jong Un-yñ 2014-nji ýylyñ maý aýynda ýeññesi Kim Kýong Huini zäherläp öldürdendigini paş etdi.
"Park" lakamly işgär "2014-nji ýylyñ 5-6-njy maýynda ýeññesini zäherletdi. Muny diñe onuñ aýratyn goragyny üpjün edýän "974" birligi bilýärdi. Emma indi ýokary wezipeli işgärler hem mundan habarly" diýdi.
Kakasynyñ ölüminden soñ häkimiýete gelen Kim Jong-Un ýeññesi Kim Kýong Huiniñ adamsy Jang Song Taek bilen aralarynda düşünişmezlik döräp, ony güllä düzüpdi. Kim Jong Taekiñ ölüminden soñ ýeññesini-de "ýumdurmagy" makul bildi.
Günorta Koreýanyñ "Chosun Ilbo" gazetiniñ 2014-nji ýyldaky sanlarynyñ birinde Kim Jongyñ ýeññesi Kim Kýong Huiniñ aradan çykandygyny habar beripdi. Gazet Huiniñ ölüm sebäbini "öz janyna kast etmek" diýip ýazypdy.
Demirgazyk Koreýanyñ döwlet ýolbaşçysy Kim Jong-Un syýasy režimiñ ikinji belgili adamy we ýeññesiniñ adamsy bolan Jang Song Taeki 2013-nji ýylyñ dekabr aýynda öldüripdi.
Ol Kommunistik partiýanyñ ýygnagynda esgerleriñ okuna tutulypdy...

# Internet maglumatlary esasynda taýýarlandy.