Gider idim men ýol syra, ýawlak uzamyş bir agaç...

Gider idim men ýol syra, ýawlak uzamyş bir agaç,
Beýle latyf, beýle şirin, köňlüm aýdar: birkaç syr aç.

Beýle uzamak ne manydyr, çünki bu dünýä panydyr,
Bu puzullyk nyşanydyr, gel bäri misginlige geç.

Beýle latyf bezeniban, beýle şirin düzeniban,
Kökül Haka uzanyban, dileg nedir, neýe mätäç?

Agaç garryr, döwran döner, guş pudaga bir gez gonar,
Dagy saňa guş gonmamyş, ne gögerçin, ne hut turaç.

Bir gün saňa zowal ere, uja kaddyň ine ýere
Pudaklaryň oda gire, gaýnaýa gazan, gyza saç.

Ýunus, imdi sen bir niçe, egsikligiň ýüz müň onça,
Gury agaja ýol sorynça, teperrüçlen, ýoluňa geç.