Gussa

GUSSA

Sagat bir çen boldy.
Gijäniň ýary.
Niçündir kalbymyñ gussaly sazy.
Asmana seretsem, aýam ünjüli.
Künjüni gaplapdyr gara bulutlar,
Eýlemekçi deýin ýowyz hüjümi.

Ýeliň öwsüşi hem täsin bir geňsi,
Mendenem sabyrsyz onyň ahwaly.
Asmany-zemini tutdy tukatlyk,
Geňlik, bu ne duýgy? kalbyma sary,
ot berýar bir zada garaşýan ýaly.
Jaň sesi. "Näme''. Düşnikli bary.
Ýumruldy köňlümiň köşgi-eýwany,
(Ey pany, ne güne salÿaň ynsany)

Onýança asmanda gara bulutlar,
Örtdi aýyň yüzin gara donuna.
Solunda -sagynda çakyp ýyldyrym,
Ýagmyram goşuldy bulaň zaryna,
Ses etdi aýlyganç asman aglady,
Ýagdy ýagmyr.
Diňdi.
Derdi ýeňledi.

Soň köşeşdi asman geldi özüne,
Hamana hiç bir zat bolmadyk ýaly.
Ýöne şol aýlyganç gijeden soňra
Henizem kalbymyň gussaly sazy.

Aýjeren GADAMOWA.