Главная » 2020 » Aprel » 14 » Leglegim
15:31

Leglegim

LEGLEGIM

Ak bulutlañ arasyna siñdiñmi,
Sen nirde gözden uçan leglegim.
Ýa mesgen tutunyp gök sonarlygy,
Dolanmazmyñ sen diýip eglendigim?

Ara daşdyr, kötellidir bu ýollar,
Azaşdyrjak bolar umytlañ çürkäp.
Düşün, maña sensiz juda kyn bolar,
Giderin umytlam yzyma tirkäp.

Soñ sen ýene bir gün kalbyñ küýsände,
Eläniñde ýatlamalañ elegin,
Ýyllañ gatyndan däl, kalbyñdan gözle,
Ganat kakyp durandyryn, leglegim.

Ogulbeg PAKYROWA.
Goşgular
Категория: Goşgular | Просмотров: 437 | Добавил: Palitra | Теги: Ogulbeg Pakyrowa | Рейтинг: 5.0/1
Awtoryň başga makalalary

Goşgular bölümiň başga makalalary

√ Ýagşy niýetler / Goşgular - 08.01.2025
√ Dostum, arz et jemalyň, janymyz bolsun fereh... / Goşgular - 04.01.2025
√ Oňşuksyz öý / Goşgular - 12.01.2025
√ Hatty benewşe, haddy läle, zülpi reýhandyr... / Goşgular - 12.01.2025
√ Söýlemezlik harjysy söýlemegiň hasydyr... / Goşgular - 04.01.2025
√ Aramyzdan gidenleri ýatlalyñ! / Goşgular - 12.01.2025
√ Lolular / Goşgular - 08.01.2025
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025
√ Eýledi ýar meni dert ile awara, medet... / Goşgular - 12.01.2025
√ "Ýene-de daň atdy..." / Goşgular - 01.01.2025

Teswirleriň ählisi: 5
0
1 MrOKaS  
341
Leglege tũpeñiniñ nilini çenap duryp hem atyp bilmän galan awçynyñ ahmyrly goşgusyna çalymdaş manyda okadym. biggrin )))

0
2 Мylayym  
83
Okaýan eserlermiz herkime bir hili täsir edýän bolarly. Men-ä dogrusy, haladym bu goşgyny.
Ahyrynda ýürek bilen garaşýan adamyň gaýdyp geljegini bilseň, özüňde ýok ganatam bitirerjek bolarsyň. Ne to, çto ganat kakmak, asmana uçasyň gelmezmi?!... ))

0
3 ezizh764  
356
Hany,hany dawa gerek dälle..
Bu ýerde: kalbyñdan gözle, men seniñ kalbyñda ganat kakyp durandyryn diýýä smile

0
4 Мylayym  
83
Ana, sag boluň, eziz764. Menem hiç kimiň göwnüne degmek islemedim. Öz pikirimi beýan etdim. Aýdylyp geçilen bellikleriň hersiniň öz orny bardyr. Jedelleşip bilmerin, Nurdan! Giň bol, uýam!

0
5 Hаwеrаn  
245
Teswire teswir ýazman, okan zady barada her kim öz pikirini ýazmak kynmyka şeýle? Bolmanam her kim pikirde bolar-da, öz pikiriñe deñ gelmeýän pikire basyş görkezmek dogrumyka? Hökman biri-biriñi makullap ýazmalymy ýa-da biri-biriñe garşy çykyp ýazmalymy? Okan zadyñy halandygyñy aýtmak, ýa-da tankydy bellik etmek näme üçin başga bir okaýany biynjalyk etmeli, ýa-da munuñ ü.n göwnedegişlik bolmaly?
(Ana, gördüñizmi, meñkem şeýle (teswire teswir) boldy!)

Teswiri diňe saýta agza bolan ulanjylar goşup bilýär.
[ Agza bol | Saýta gir ]